Azərbaycan Respublikası Dövlət Neft Şirkəti (ARDNŞ) Sumqayıtda karbamid istehsalı zavodunun tikintisi ilə bağlı məsləhətçi seçimi üzrə tender elan edir.
Məsləhətçi layihə üzrə hazırlanan sənədləri analiz etməli, rəy verməlidir.
Həmçinin layihə üzrə ümumi riskləri idarə etməli, onları azaltmaq üçün tədbirlər görməli, montaj və montajdan sonrakı dövrdə təftiş işləri aparmalıdır.
Tenderdə 10 il beynəlxalq təcrübəsi olan, xüsusən Yaxın Şərq və keçmiş SSRİ ölkələrində işləmiş, zəruri texniki və maddi imkanları olan şirkətlər iştirak edə bilər.
Tender təklifləri 2% bank zəmanəti 15 may 2014-cü ilə kimi qəbul edilir. Tender 16 may 2014-cü ildə keçiriləcək.
Elanda bildirilir ki, əsas alyihə işləri 2013-cü ilin sentyabrında başlayıb. Tikinti işləri isə 18 fevral 2014-cü ildə başlayıb və 2016-cı ildə başa çatacaq.
Təbii qazla işləyən zavodun gücü sutkada 1200 ton ammiak və 2000 ton karbamid olacaq.
Layihə, alqı-satqı və açar təhvili ilə tikinti müqaviləsi Samsung Engineering şirkəti ilə bağlanılıb. Layihənin qiyməti vergi nəzərə alınmadan 500 mln avrodur. Tikinti işləri 33 aya başa çatmalı, 2-3 ayda test işləri aparılmalıdır. Layihə Azərbaycanın dövlət büdcəsindən maliyyələşdiriləcək.—12D--
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz