Sumqayıt Kimya Sənaye Parkı üzrə investisiya layihələrinin qiymətləndirilməsi 10 meyarla olacaq
İqtisadi İnkişaf Nazirliyi “Hüquqi və fiziki şəxslərin investisiya layihələrinin tələb olunan meyarlara uyğunluğunun qiymətləndirilməsi qaydaları”nı hazırlayıb. Ondan Sumqayıt Kimya Sənaye Parkına investor cəlb edilərkən istifadə ediləcək. Hazırda Parkın rəhbərliyinə 20-yə yaxın investisiya təklifi daxil olub
İqtisadi İnkişaf Nazirliyinin mətbuat xidmətində Turan-a bildiriblər ki, üzrə investisiya layihələrinin qiymətləndirilməsi 10 meyarla olacaq. Bunların sırasında investisiya layihəsinin regional əhəmiyyəti, məhsul istehsalı (iş və xidmətlərin göstərilməsi) üzrə müasir texnologiyaların tətbiqi, məhsulların innovasiya və ixrac yönümlülüyü, iqtisadi səmərəliliyi, rəqabət mühitinin gücləndirilməsinə təsiri və digər amillər var.
Layihələr əsasən qablaşdırma, tikinti, tibbi və digər sahələrdə kimya məhsullarının, o cümlədən, polimerlərin istehsalını nəzərdə tutur.
«Sumqayıt Kimya Sənaye Parkı» MMC 2011-ci ilin dekabrında yaradılıb. Nizamnamə kapitalı 500 000 manatdır. Parkın fəaliyyəti üçün 167,6 ha sahə ayrılıb. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz