İqtisadiyyat Nazirliyi "Aqrokimya Azərbaycan" MMC-yə Sumqayıt Kimya Sənaye Parkının (SKSP) rezidenti kimi qeydiyyata alıb. Hazırda sənaye parkının 9 rezidenti var.
"Aqrokimya Azərbaycan" MMC bu aprel ayının 12-də dövlət qeydiyyatına alınıb. Onun ofisi Gilan Holding Capital Towers iş mərkəzində yerləşir. Nazirlik şirkətə istehsal sahəsinin qurulması üçün neçə hektar ərazi verməsi, şirkətin istehsal planları haqda məlumat vermir.
İqtisadiyyat nazirliyində turan-a deyiblər ki, 14,8 hektar ərazidə Mingəçevir Sənaye Parkının təşkili istiqamətində tədbirlər davam edir. İlkin hesabalamalara görə. buraya 100 mln. dollardan çox investisiyanın yatırılması və 2 min iş yerinin açılması nəzərdə tutulur.
Neftçala Sənaye Məhəlləsində fəaliyyət göstərmək üçün 17 layihə təqdim edilib. Birinci mərhələdə ümumi investisiya məbləği 20 milyon manatdan çox olan 7 layihə icra olunacaq və 380 iş yeri açılacaq.
Hazırda Gəncə şəhərində sənaye parkının yaradılması imkanları araşdırılır.
Qeyd edək ki, SKSP-in idarəçiliyi altında Balaxanı Sənaye Parkı və Qaradağ Sənaye Parkı da fəaliyyət göstərir. 08D
İqtisadiyyat
-
Türk Dövlətləri Təşkilatının (TDT) Ticarət-Sənaye Palataları İttifaqı (TSPİ) 26 dekabr tarixində Bakıda Baş Assambleyasını keçirdi, üzv dövlətlər arasında dinamik iqtisadi artımı və dərinləşən inteqrasiyanı önə çəkdi. Azərbaycan və TDT-nin digər üzv dövlətlərini təmsil edən iş dünyası və dövlət rəhbərləri ticarət, investisiya və regional əlaqə layihələrini müzakirə etdilər.
-
Azərbaycanda düyü idxalı 2024-cü ilin yanvar-noyabr dövründə misli görünməmiş səviyyəyə çataraq həm daxili tələbatın artmasını, həm də qlobal ərzaq qiymətlərinin yüksəlməsini əks etdirib. Bu dövrdə ölkə 60,400 ton düyü idxal edib ki, bu da 2023-cü ilin eyni dövrü ilə müqayisədə həcmin 18.6% artması və dəyərin 35.3% yüksəlməsi deməkdir.
-
2022-2024-cü illər arasında Azərbaycan İpoteka və Kredit Zəmanət Fondu (İKZF) vasitəsilə 17,750 həyat sığortası müqaviləsi və 40,661 əmlak sığortası müqaviləsi imzalanıb. Bu, Fondun mənzil maliyyəsi və sığorta bazarlarının gücləndirilməsində artan rolunu əks etdirir. Bu rəqəmləri İKZF-in İpoteka Kreditləşməsi Departamentinin direktoru Rasim Abdullayev "Mənzil Maliyyələşdirməsi və Sahibkarlığa Dəstək Alətləri" seminarında açıqlayıb.
-
Bakı Şəhər Statistika İdarəsinin məlumatına görə, 2024-cü ilin ilk on bir ayında Bakıda əhaliyə göstərilən ödənişli xidmətlərin dəyəri 6,94 milyard manata çatıb ki, bu da 2023-cü ilin eyni dövrü ilə müqayisədə real ifadədə 9,2%-lik artımı əks etdirir.
Rəy yaz