Sumqayıt Kimya-Sənaye Parkının tikintisi üzrə müqavilələrin həcmi 143 mln. manatı ötüb

Sumqayıt Kimya-Sənaye Parkının (SKSP) texniki, inzibati və mühəndis-kommunikasiya infrastrukturunun yaradılması üzrə iki il ərzində bağlanan müqavilələrin həcmi layihə-smeta sənədlərini nəzərə almaqla 143 mln. manatı ötüb. İşlər dövlət büdcəsinin hesabına maliyyələşdirilir.

Ötən ilin dekabrında sənaye parkının direktorluğu 74 mln. 468 min 898 manat ($91 mln.) məbləğində tikinti işlərinin aparılması üçün iki şirkətlə üç müqavilə imzalaylb.

Dövlət Satınalmaları Agentliyinin məlumatına görə, “M-NAF” MMC parkın içində və onun girəcəklərində avtomobil yollarının inşası ilə məşğul olacaq və 44,7 mln. manat alacaq.

“Progress Construction” MMC 16 mərtəbəli inzibati binanın inşası üçün   29 mln. 775,2 min manat alacaq.

2014-cü ildə üçmərtəbəli Peşə- Tədris Mərkəzinin binasının tikintisi və onun lazımi avadanlıqla təchizatı üzrə müqavilə də (12 mln. 362 min)  “Progress Construction MMC-yə nəsib olub.

SXSP prezident İlham Əliyevin 2011-ci il 21 dekabr fərmanı ilə yaradılıb. Parkın idarəetmə təşkilatı İqtisadiyyat və Sənaye Nazirliyi yanında fəaliyyət göstərir.

Parkın ərazisi 295,62 ha-dır.  14 ha sənaye zonasına aiddir. İndiyədək parkın rezidenti hüququnu üç şirkət əldə edib:  “Azertexnolayn” MMC– 32 hа, “SOCAR Polymer” – 50 ha, “AzerFloat” – 12,4 ha).  Parkın rezidentləri 7 il müddətində vergi ödənişindən azad ediliblər.

Parkın 21 ha-nı əhatə edənə sosial fondu dövlətin hesabına yaradılır. Bura iki 16 mərtəbəli və 20 mərtəbəli inzibati binalar, sərgi kompleksi, konfrans zalı, laboratoriya, emalatxana və digər sosial obyektlər daxil olacaq.

Qeyd edək ki, SXSP və onun rezidentləri təsərrüfat fəaliyyətinin nəticələri haqda məlumat vermirlər.

Məsələn, polad və polimer boruların istehsalı ilə məşğul olan “Azertexnolayn” MMC 2013-cü ildə istismara verilib. Lakin onun işinin nə dərəcədə səmərəli olması məlum deyil.08B