Sürətli pul köçürmələri sistemləri ilə mədaxil həcmi göndəriləndən 2,2 dəfə çoxdur

2013-cü ilin yanvar-noyabrında Azərbaycanin bank sistemində sürətli pul köçürmələri dövriyyəsi 1930,6 mln manat (($2,5 mlrd) ekvivalenti olub. Bu, əvvəlki ilin eyni dövrünün göstəricisindən 317 mln manat və ya 19,6% çoxdur. Qəbul edilən pul göndəriləndən 2,2 dəfə çoxdur. O, ötən ilin eyni dövrü ilə müqayisədə 31% artıb. 

Noyabrda köçürmə dövriyyəsi 220,4 mln manat olub. Ötən ilin eyni dövrü ilə müqayisədə o, 33% artıb.

Azərbaycan Mərkəzi Bankının məlumatına görə, orta göndərilən məbləğ yanvardakı 582,3 manatdan noyabrda 818,6 manata artıb, qəbul edilən 574,8 manatdan 689,4 manata artıb. Göndərilən köçürmə sayı 66 mindən 88,2 minə, qəbul edilən 156,3 mindən 214,9 minə artıb. Hesabat dövründə qeydiyyata alınan pul köçürmələrinin ümumi sayı 3192,8 min, o cümlədən qəbul edilənlər 2308,1  min olub. 

Azərbaycan bankları hazırda Western Union, Coinstar, XpressMoney, Contact, Migom, Leader, Blizko, PrivatMoney, UPT və başqa beynəlxalq sürətli pul köçürmə sistemlərinin xidmətindən istifadə edirlər. “Bıstraya poçta” sistemi ermənilərin işğal etdiyi ərazilərdə xidmət göstərdiyi üçün onunla əməkdaşlıq ləğv edilib. --15B--