Sürücülərin iş və istirahət rejimi təsdiq edilib

 Nazirlər Kabineti martın 10-da “Ümumi istifadədə olan avtomobil nəqliyyatı ilə ölkədaxili sərnişin və yük daşımalarını yerinə yetirən sürücülərin iş və istirahət rejiminə, iş şəraitinin xüsusiyyətlərinə dair Qaydalar”ı təsdiq edib.

Hökumət Nəqliyyat Nazirliyinə tapşırıb ki, bu il iyulun 1-dən mülkiyyətçilərin vəsaitləri hesabına nəqliyyat vasitələrini rəqəmsal taxoqraflarla təmin etsin. Bu qurum sərnişin və yük avtonəqliyyat vasitələri üçün bu ölçmə cihazlarının növlərini müəyyən edəcək. Nəqliyyat Nazirliyi eləcə də sürücülərin iş və istirahət rejiminin yerinə yetirilməsinə nəzarət edəcək.

Qaydalar (http://goo.gl/OfbWzS) 8 və daha çox oturacağı olan avtobuslara və 3,5 tondan artıq çəkisi olan yük avtobuslarına şamil edilir.

Taxoqraflar şəhərdaxili avtobuslarda, yolverilən sürəti 50 km/saatdan çox olmayan şəhərlərarası avtobuslarda, minik avtomobillərində və yolverilən sürəti 40 km/saatdan çox olmayan avtonəqliyyat vasitələrində quraşdırılmayacaq.

Gündəlik iş vaxtına uyğun olan həftəlik iş vaxtının müddəti 40 saatdan artıq müəyyən edilə bilməz. Əgər sürücü çərşənbəə günü də işləyirsə, gündəlik vaxtının  müddəti 7 saatdan çox olmamalıdır. 

Qeyd edək ki, hazırda yük və sərnişin avtobuslarının sürücüləri ən qorunmayan işçilərdir. Onlar sutkada 12 saata qədər işləyir. Onların çoxu yalnız bazar ügün istirahət edir. Ekspertlər sərnişin avtobuslarının iştirakı ilə YNH-nin tez-tez baş verməsini bununla bağlayır. 08D