TAP boru kəmərinin təməlqoyma mərasimi

Çərşənbə axşamı Salonikidə Transadriatik qaz kəmərinin (TAP) tikintisinin başlamasına həsr olunmuş təntənəli mərasim keçirilir.

Mərasimdə Yunanıstanın baş naziri Aleksis Tsipras, Dövlət Departamentinin beynəlxalq energetika məsələləri üzrə xüsusi nümayəndəsi Amos Hokstayn, Avropa Komissiyasının vitse-prezidenti Maroş Şefçoviç, Bolqarıstanın energetika naziri Temenujka Petkova, Transadriatik qaz kəmərinin direktoru Yen Bredşou, TAP konsorsiumuna daxil olan şirkətlərin - BP, SOCAR, Snam, Fluxis, Enagas və Axpo-nun nümayəndələri, habelə layihənin iştirakçısı olan ölkələrin nümayəndə heyətləri iştirak edəcəklər,xəbəri RİA-novosti yayıb.

Uzunluğu 880 km və başlanğıc gücü ildə 10 milyard kubmetr təşkil edəcək TAP qaz kəməri Yunanıstan və Türkiyənin sərhədində TANAP (Trans-Anatolian Natural Gas Pipeline) boru kəmərindən Azərbaycanın Şahdəniz-2 yatağından qaz qəbul edəcək. Qaz kəməri Yunanıstan, Albaniya, Adriatik dənizindən keçməli və İtaliyanın cənubunda Snam qaz nəqliyyatı şəbəkəsinə daxil olmalıdır.

Gələcəkdə boru kəmərinin gücünün ildə 20 mlrd. kubmetrə qədər artırılması ehtimalı nəzərdə tutulur. Yunanıstan ərazisindən qaz kəmərinin 550 km keçəcək. Afina TAP-a strateji layihə kimi baxır - Yunanıstan ilk dəfə energetika xəritəsində yer tutacaq və 2 mlrd. avro birbaşa investisiya alacaq. -02D-