Ötən həftə Azərbaycanın energetika naziri Natiq Əliyev ABŞ-ın ölkəmizdəki fövqəladə və səlahiyyətli səfiri Robert Sekutanı qəbul edərkən bildirib ki, Transadriatik (TAP) boru kəməri layihəsi ilə bağlı tikinti işlərinə bu ilin mart ayında başlanması nəzərdə tutulur.
Bir neçə gün sonra – 29 fevralda "Cənub Qaz Dəhlizi"nin Məşvərət Şurasının toplantısında isə o deyib ki, TAP layihəsinin maliyyələşməsi məsələsi apreldə həllini tapacaq. Sonra əlavə edib ki: “28 apreldə”. Amma həmin gün nə olacağını dəqiqlə.dirməyib.
Nazir qeyd edib ki, dünyadakı böhran layihələr üçün problem yaratmayacaq: ""Şahdəniz-2" və SOCAR-ın payının maliyyələşməsində problem yoxdur. Tərəfdaşlarımız da çətinlik çəkmir".
"SOCAR-ın TANAP və TAP-da payı var. TANAP-ın maliyyələşməsinin çoxu həllini tapıb. Bazarda nə olmasından asılı olmayaraq, layihə həyata keçiriləcək", - deyə Əliyev bildirib.
Amma “RİA Novosti” TAP-ın icraçı direktoru Yen Bredşouya istinadən bidlirir ki, Trans-Adriatik boru kəmərinin tikintisinə 2016-cı il ortalarında Yunanıstanın Saloniki şəhərində başlanılacaq. Onun sözlərinə görə, TAP-ın tikintisinə 2016-cı il mayın sonunda iyunun əvvəlində baş tutacaq.
«Yunanıstan hökuməti bunun üçün lazımi işləri görüb», - deyə o qeyd edib. –12B--
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz