TAP Yunanıstan və Albaniyada kompressor stansiyalarının layihələndirilməsi və tikintisi üçün podratçı seçir
Trans-Adriatik Boru Kəmərinin tikintisi üzrə konsorsium (Trans Adriatic Pipeline, TAP) Yunanıstan və Albaniyada kompressor kompressor stansiyalarının layihələndirilməsi, satınalma və istismarı ilə bağlı iki tender elan edib. Həmçinin Albaniyada bir kompressor stansiyasının mühəndislik, təchizat və inşaatı (EPC) və istismarı, TAP layihəsinin Yunanıstan hissəsindən daxil olan təbii qazın ölçülməsi nəzərdə tutulub.
Kompressor stansiyalarının tərtibatı və xüsusiyyətləri TAP layihəsinin "Şahdəniz II" yatağından Avropaya illik 10 milyard kubmetr təbii qaz nəqlini nəzərdə tutan planına uyğundur. Gələcəkdə bu həcmin 20 milyard kubmetrə qədər artırılması nəzərdə tutulub.
TAP konsorsiumu müvafiq müqavilələri 2015-ci ilin II yarısında bağlamağı planlaşdırır. Boru kəmərlərinin inşası 2016-cı ildə başlayacaq.
TAP layihəsi “Şahdəniz-2” yatağından qazın Avropaya nəqli üçündür.
TAP layihəsi üzrə yeni pay bölgüsü belədir: BP (20%), ARDNŞ (20%), “Statoil” (20%), “Fluxys” (19%), “Enagas” (16%) və “Axpo” (5%). –12D--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz