Transadriatik qaz kəməri konsorsiumu Albaniya və Yunanıstanda boru kəmərinin yerüstü hissəsinin tikintisi üzrə tender elan edib. Bu barədə ТАР məlumat yayıb.
Məlumatda deyilir ki, saziş altsazişlərə bölünə bilər.
Mayda boru kəmərinin yerüstü hissəsinin tikintisi üzrə təsnifatöncəsi tender elan edilmişdi.
Əsas tender üzrə Albaniya və Yunanıstana 1,2 metr diametrli 760 km boru tədarük edilməlidir.
Podratçılarla sazişin 2015-ci ilin 3-cü rübündə bağlanması planlaşdırılır.
ТАР “Şahdəniz” qazının Avropaya nəqli üzrə əsas marşrut kimi seçilib. Kəmərin ümumi uzunluğu 870 km olacaq.
Tikintiyə 2016-cı ildə başlanılacaq. TAP-ın ilkin gücü 10 mlrd m3, genişlənmə imkanı 20 mlrd m3 olacaq. Səhmdarlar bunlardır: BP (20%), ARDNŞ (20%), Statoil (20%), Fluxys (19%), Enagás (16%) və Axpo (5%). --0--
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz