Bu gündən ölkədə hava nəqliyyatında daxili sərnişin daşımalarında maksimal tarif qüvvədədir. Tarif Şurasının 2 dekabr tarixli qərarına əsasən, “Azerbaijan Airlines” daxili aviareyslərdə biletin qiymətini özü ən aşağı səviyyədə də müəyyən edə bilər.
Bakıdan Naxçıvana (70 manat), Gəncəyə (56 manaв), Zaqatalaya (52 manat), Lənkəran (41 manat) və Gəncədən Naxçıvana (39 manat) bir istiqamətə biletin qiyməti əvvəlki səviyyədə saxlanılıb (dekabr 2007). Maraqlıdır ki, qərarda 1 iyun 2012-ci ildən fəaliyyət göstərən Bakı-Qəbələ-Bakı reysi unudulub. Bu reys açılanda AZAL bir istiqamətə biletin qiymətini 48 manat təyin edib. Sərnişin az olduğu üçün uçuşlar dayandırılıb. Bu ilin avqustundan uçuşlar bərpa olunub, biletin qiyməti 30 manatdır.
Hökumət “Azerbaijan Airlines”ə Bakıdan Naxçıvana və geriyə uçuşlara subsidiya verir. Hökumət Azərbaycan vətəndaşları və vətəndaşlığı olmayanlar üçün 20 manat subsidiya ödəyir. Hər il aviaşirkət bu marşrut üzrə 10-11 mln manat subsidiya alır. Aviaşirkətdə «başqa yerli aviareyslər rentabellidirmi?» sualına cavab verməyiblər. 08B
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz