2014-cü ildə məhsul istehsalı üçün 1612,7 min hektar sahə əkin üçün istifadə edilib. Bu, ötən il yanvarın 1-i üçün torpaq balansı üzrə əkin yerinin 93,6 faizinə bərabərdir. Bu barədə Kənd Təsərrüfatı Nazirliyi məlumat verir.
Ötən il əlverişsiz hava və iqlim üzündən 55,7 min ha payızlıq əkin sahəsi məhv olub. Dənli və başqa kənd təsərrüfatı bitkilərinin məhsuldarlığı azalıb.
Bu il də vəziyyət yaxşı deyil. Yanvarın 1-dək 875,7 min ha (o cümlədən 537,2 min ha) sahədə dənli bitki əkilib. Bu, ötən ilkindən 10,6% azdır.
Ekspertlərin fikrincə, əgər fermerlər bu il də yaxşı məhsul əldə etməsə, taxıl idxalından asılılıq daha da artacaq. Azərbaycanda taxıla tələbat 3,8-4 mln tondur. Rəsmi məlumata görə, tələbatın 40%-i idxal hesabına təmin edilir. Taxıl Fondunun ehtiyatı 750 min tondur.
Torpaq balansına əsasən, çoxillik bitkilərin altında (meyvə, üzüm, özəl plantasiyalar) 151,2 min hektar torpaq var. 08В
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz