Bu ilin 9 ayında taxta-şalban idxalı həcmi $98 mln olub. Bu, ötən ilin eyni dövründəkindən 59,5% azdır. Tendensiya bu malların ucuzlaşması ilə bağlıdır.
Azərbaycana taxta-şalban əsasən Rusiyadan idxal edilir. Dövlətstatkoma görə, ilin I yarısında bu ölkədən 160 min m2 taxta-şalban idxal edilib. Sərhəddə mal orta hesabla m3 $200-a bəyan edilir. .
Rusiya mənbələrinə görə, bu məhsulun orta ixrac qiyməti 2014-cü ilin I rübündə $176,3 olub. Bu, ötən ilin eyni dövründəkindən 0,2% yüksəkdir. Hazırda RF-dən tədarük edilən məhsulun fyuçers sazişi qiyməti noyabr üçün 142$/m3- dir.
Bakı bazarlarında emal edilmiş ağac materialı 170-180 manat və ya $210-a təklif edilir. Satıcılar martda məhsulu 210 manata ($256) satdıqlarını deyirlər. Demək, son 6 ayda qiymət 18% ucuzlaşıb.
Üç il əvvəl Azərbaycanda quru taxta-şalbanın kubmetri $280, quru emal olunmuş isə $500 idi.
Ekspertlər hesab edir ki, Azərbaycanda taxta-şalbana tələbat yüksəkdir.
Maraqlıdır ki, taxta-şalbanın ucuzlaşması hələ hazır taxtanın qiymətinə təsir etməyib. Məsələn, Parket House şirkətində bildiriblər ki, onlar parketin kv metrini 58 avrodan təklif edirlər və qiymət ilin əvvəlindən dəyişməyib.
2013-cü ildə Azərbaycanda taxta-şalban idxalı həcmi $280 mln (+1,9%) olub. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz