Transadriatik qaz kəməri və NabuccоWest TANAP-ın davamı ola bilər

Bu gün Bakıda Azərbaycan və Polşa xarici işlər nazirləri - Elmar Məmmədyarov və Radoslav Sikorskinin görüşündə iki ölkə arasında qaz sahəsində əməkdaşlığın inkişaf etdirilməsi məsələləri əsas müzakirə mövzularından biri olub.

    Bu barədə onlar danışıqların yekunlarına həsr olunmuş mətbuat konfransında bildiriblər. Sikorskinin sözlərinə görə, Polşa enerji təchizatı mənbələrini müxtəlifləşdirir və Rusiyadan qaz alqısı ilə yanaşı, alternativ idxal yolları axtarır.

    Hazırda Polşanın sədrlik etdiyi Vışeqrad qrupu ölkələri, həmçinin Bolqarıstan və Rumıniya Azərbaycan qazının istehlakçısı ola bilər, deyə o bildirib.

    Öz növbəsində, Məmmədyarov Transanadolu qaz kəmərinin (TANAP) tikintisi layihəsi üzrə Azərbaycan və Türkiyə arasında imzalanmış sazişlə bağlı suala cavabda bildirib ki, bu qaz kəməri 2018-ci ildə istismara veriləcək və Aİ sərhədlərinə qədər qaz nəql edəcək.

    Azərbaycan qazının gələcəkdə nəqlinin mümkün variantları kimi Məmmədyarov son məntəqəsi İtaliya olan Transadriatik boru kəmərini və Avstriyaya qədər uzanan NabuccoWest kəmərini qeyd edib.

    Hazırda maraqlı neft-qaz şirkətləri bu marşrutlardan birinin seçilməsi ilə bağlı müzakirələr aparır.

    Məmmədyarov qeyd edib ki, Azərbaycanda yeni qaz yataqlarının açılması Avropaya qaz ixracı həcmini artıracaq. -06С-