Bu ilin 9 ayında TRACECA marşrutu ilə Azərbaycan ərazisindən 5,5 mln ton tranzit yük daşınıb. Yük axını 23,2% azalıb, deyə Dövlətstatkomda Turan-a bildiriblər.
Deyilən dövrdə nəqliyyat strukturları tranzit yük daşınmasından 136 mln manat gəlir əldə edib. Bu, ötən ilin eyni dövründəkindən 51,1% çoxdur. Bu, manatın iki dəfə devalvasiyası ilə bağlıdır. Manatın devalvasiyası nəticəsində valyutanın konvertasiyası dəmiryolu və su nəqliyyatı şirkətlərinin mədaxilinə müsbət təsir edir.
DSK-nın məlumatına görə, ilin 9 ayında «Azərbaycan Dəmir Yolları» tranzit yük daşımalarından 63,6 mln manat (+66,2%), «Azərbaycan Xəzər Dəniz Gəmiçiliyi» - 72,4 mln manat (+40%) əldə edib.
Azərbaycan beynəlxalq tranzit dəhlizləri ilə (TRACECA, «Şimal-Cənub», «Qərb-Cənub») yük daşımalarının artacağına ümid edir və tranzit infrastrukturunu artırır. 08B
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz