2012-ci ilin yeddi ayının nəticələrinə görə, "Turanbank" ASC vergilərin tutulmasına qədər 2,1 mln manat həcmində xalis mənfəət əldə edib, bu da bir il əvvəlki göstəricidən 12,5% azdır. Bankın gəlirləri 12,7 mln manata, xərclər isə 10,6 mln manata bərabər olub, artım müvafiq olaraq 18,7% və 27,7% olub. Yanvar-iyul aylarında aktivlər 9,3% artaraq 189,5 mln manat təşkil edib. Fiziki və hüquqi şəxslərə verilən kreditlər 21,9% artaraq 148,2 mln manata bərabər olub. Depozit portfeli 11,6% genişlənərək 82,3 mln manat təşkil edib, bunun 51,5 mln. manatı əhalinin müddətli əmanətlərinin payına düşür. Məcmu kapital 2,7% artaraq 26,7 mln manata, ödənilmiş nizamnamə kapitalı isə 8,2% artaraq 23,8 mln manata çatıb. --15B--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz