Türkmənistan və Gürcüstan Avropaya qaz nəqli mümkünlüyünü araşdırır

Tbilisidə Türkmənistan-Gürcüstan danışıqlarının yekunlarına görə Türkmənistan prezidenti Qurbanqulı Berdumuhammədov və Gürcüstan prezidenti Giorgi Marqvelaşvili birgə bəyanat imzalayıblar, xəbəri Türkmənistan prezidentinin mətbuat xidməti yayıb.

Gürcüstan yenə Türkmənistanın enerji daşıyıcılarının tranziti təşəbbüsü və maraqlı ölkələrin və beynəlxalq təşkilatların təklifləri nəzərə alınmaqla, nəqliyyat dəhlizlərinin roluna dəstək ifadə edib.

Öz növbəsində, Türkmənistan Gürcüstanın BMT çərçivəsində təşəbbüs etdiyi humanitar məsələlər üzrə əməkdaşlığa hazır olduğunu bildirib.

Tərəflər hamı tərəfindən qəbul edilmiş beynəlxalq hüquq prinsip və normalarına, o cümlədən dövlət suverenliyi, ərazi bütövlüyü, sərhədlərin pozulmazlığı, bir-birinin daxili işlərinə qarışmamaq, habelə münaqişələrin sülh yolu ilə tənzimlənməsi prinsiplərinə riayət olunmasına sadiq olduqlarını təsdiq ediblər.

Nəqliyyat-tranzit sahəsində əməkdaşlığın dərinləşdirilməsi və hər iki ölkənin potensialından maksimum dərəcədə istifadə edilməsi üçün tərəflər Avropa – Qafqaz – Asiya nəqliyyat dəhlizinin rəqabətədavamlılığının artırılması perspektivlərinə baxılar. Türkmənistan və Gürcüstan bu dəhlizin ayrılmaz hissəsidir, Türkmənbaşı, Batumi və Poti limanlarının imkanlarından səmərəli şəkildə istifadə olunur.

Prezidentlər Türkmənistanın təbii qazının dünya bazarlarına ixracı yollarının diversifikasiyasına yönəlmiş siyasətinin əhəmiyyətini qeyd ediblər. Prezidentlər Xəzər hövzəsindən Avropaya enerji daşıyıcıları nəqlinin əhəmiyyətini xüsusilə vurğulayıblar. -02D-