Uber «kobud» taksi sürücülərinə meydan oxuyur

Bakıda Uber (http://blog.uber.com/uberbaki) taksi çağırma xidməti populyarlıq qazanır. Hələlik Uber Black tətbiq edilib və ora BMW, Mercedes, Audi maşın sahibləri götürülür.

Xidmətin populyarlıq səbəblərindən biri qiymət ucuzluğudur. Avtomobilin sifariş edilməsi əvvəllər 2 AZN idi, indi 55 qəpikdir. 1 kilometr üçün gediş haqqı 0.90 AZN-dan 34 AZN-a, gözləməyin bir dəqiqəsi 0.20 AZN-dan 2 AZN-ə endirilib. Ödəməni kart hesabına bağlanaraq avtomatik olaraq həyata keçirmək olar.

Bakıda “28Mall”dan “İnşaatçilar”a 2-4 manat, “Park Bulvar”dan “Əhmədli”/”Neftçilər”ə 4-6 manata, Qoşa qaladan Hotel Hiltona 1-2 manata, Port Bakudan Caspian Plazaya 1-3 manata getmək olar. Bu gündən şəhərin istənilən yerindən aeroporta 7 manata səfərlər başalyır.

Şirkətin məlumatına görə, Uberin uğuruna səbəb effektivlikdir. Sifariş ən yaxındakı sürücüyə ötürülür və vaxt itkisi azalır. Uber Bakıda işə başlayandan tərəfdaş sayını artırıb və avtomobil verilməsi 8 dəqiqədən 5 dəqiqəyə endirilib.

 «Yeni istifadəçilər axınının hesabına Uber sürücüləri Bakıda çoxlu sifarişlə təmin ediləcək, bu isə yaxşı əmək haqqı təmin edəcək», - deyə servisdə əmindirlər.

Uber Bakıda nağdsız ödənişlə ən yaxşı hərəkət üsuludur. Uber istifadəçiləri gediş haqqını əvvəlcədən əlavədən öyrənə bilərlər. Qiymətlər şəffafdır – sürücü ilə qiymət müzakirə etməyə ehtiyac yoxdur.

Ötən il mayın 1-də Azərbaycan bu xidmətdən istifadə edən 58-ci ölkə oldu. Uber taksi çağırışı xidmətindən (https://www.uber.com/ru/cities) dünyanın yüzlərlə şəhərində istifadə edilir. --17D—