Azərbaycanda kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsində göstərilən məqsədlərə çatmaq üçün 700 mln manat tələb olunur.
Turan-ın məlumatına görə, Yol Xəritəsində deyilir ki, 2020-ci il üçün 1 mlrd 260 mln əlavə dəyər istehsalı və 34 min 240 yeni iş yeri açılması gözlənilir.
Yol Xəritəsinin məqsədi KÖS-ün ÜDM-ə təsiri, biznes mühitin yaxşılaşdırılması, maliyyə resurslarına səmərəli çıxışın təmin edilməsidir.
Bundan başqa, beynəlxalq bazarlara çıxışın artırılması, ölkədə istehsal edilən məhsulların beynəlxalq standartlara uyğunluğunun təmin edilməsi, valyuta ehtiyatlarının artırılması hədəfə alınıb.
İxtisaslı işçi qüvvəsi hazırlamaqla keyfiyyətli mal və xidmət təklifinin artırılması, innovasiyaların təşviqi də nəzərdə tutulur.
Strategiya çərçivəsində kiçik və orta biznes üzrə agentliyin yaradılması planlaşdırılır.
Əsas məqsəd 2020-ci ildə ÜDM-də kiçik və orta sahibkarlığın payını 15%-ə, məşğulluqda 20%-ə, qeyri-neft ixracatında 10%-ə çatdırmaqdır. –71D-
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz