Ölkənin ən texnoloji banklarından olan Unibank, öz məhsul və xidmətlərində növbəti yeniliklər etməyə hazırlaşır.
Xidmətlərində daim texnoloji yenilikləri tətbiq edən Unibank, hazırda tranzaksiyaların təhlükəsizliyinin daha da yüksəldilməsi məqsədilə yeni proqramların tətbiqini həyata keçirir. Bu proqram təminatının tətbiqindən sonra, müştərilərin hesab və kartlarında apardığı əməliyyatların təhlükəsizliyi və qorunması daha da yüksələcək. Yeni sistemin tətbiqi ilə əlaqədar olaraq yaxın bir neçə gün ərzində xidmətlərdə müvəqqəti texniki məhdudiyyətlər olacaq. Unibank anlayışları üçün müştərilərinə təşəkkürünü bildirir və ən qısa müddətdə bu məhdudiyyətlərin aradan qalxacağını diqqətə çatdırır.
Ortaya çıxan hər hansı məsələ ilə bağlı ətraflı məlumatı (012) 117 nömrəli telefondan, Bankın saytından (www.unibank.az ) və yaxud facebook və twitter səhifələrindən (www.facebook.com/unibank.az , https://twitter.com/unibank) əldə etmək olar.
Unibank-hər kəsin bankı!
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz