Vergi Məcəlləsinə düzəlişlər təsdiq edilib

Milli Məclisin hazırki tərkibi son iclasında Vergi Məcəlləsinə düzəlişləri təsdiq edib. Turan-ın bir müddət əvvəl yazdığı kimi, indi ticarət və ictimai iaşə sahələri ilə məşğul olan fiziki şəxslər dövriyyə ölçüsündən asılı olmayaraq sadələşdirilmiş vergi ödəyəcəklər. Ticarətçilər dövriyyəsinin 6%-ni, restoran sahibləri isə 8%-ni ödəyəcəklər. Ticarət və ictimai iaşə sahələrində sahibkarların nağd pul hesablaşmalarının həyata keçirilməsi qaydalarını pozmasına görə cərimələr də artırılıb. Belə ki, təqvim ili ərzində birinci pozuntu zamanı 2 min manat (hələlik 400 manat) ödənilməlidir. Pozuntu ikinci dəfə təkrarlandıqda cərimə iki dəfə artır - 4 min manat (hazırda 800 manat), üçüncü dəfə isə sahibkar 2000 daha artıq - 6 min manat ödəyəcək (hazırda 1,2 min manat).

İdman totalizatorlarında uduşlara vergi qoyuluşu haqqında (10%) təkliflər də keçib. 

Mənzil tikintisi ilə məşğul olan hüquqi və fiziki şəxslərin ƏDV-siz yalnız sadələşdirilmiş vergi ödəyəcəyi haqqında düzəlişlər də təsdiq edilib. Bu məbləğ hər kvadrat metr üçün təməl olan 45 manatdan (bu gün 10 manat) və ölkənin şəhər və rayonlarının zonalarına tətbiq edilən əmsallardan hesablanır.

Düzəlişlər peyk əmlakına və digər kosmik obyektlərə də şamil edilib. Dəyişikliklər ƏDV-dən azad edilmiş məhsul və xidmətlər siyahısına da toxunacaq.  

Vergilər Nazirliyinin səlahiyyətləri qanunvericiliklə genişləndirilib - nazirlik vergi borcu olanların, xüsusən şirkətlərin rəhbər şəxslərinin xaricə səfərinin məhdudlaşdırılması təşəbbüsü ilə məhkəmələrə müraciət etmək hüququna malikdir. Vergi Məcəlləsinə düzəlişlər gələn il yanvarın 1-dən qüvvəyə münəcək. -17D-