Hüquq-mühafizə orqanları MTN ətrafındakı vəziyyəti şərh etmir

MTN rəhbəri Eldar Mahmudovun istefasından üç gün keçsə də, rəsmi orqanlar nazirin özünün və ətrafının taleyi haqqında heç bir yeni məlumat verməyib.

Eyni zamanda, hökumətyönlü KİV də daxil olmaqa, bütün KİV-lər bəzi mənbələrə istinadla bəzi MTN əməkdaşlarına qarşı səlahiyyətləri aşma maddələri ilə cinayət işlərinin açıldığını və onların həbs edildiyini bildiriblər.

Prokurorluqdan və DİN-dən rəsmi şərh almaq cəhdləri nəticə vermir, baxmayaraq ki, KİV hər yerdə iki və ya üç general da daxil olmaqla, on MTN zabitinin həbs edildiyini yazır.

Bununla əlaqədar ekspertlər yekdilliklə qeyd edirlər ki, hakimiyyət Mahmudovun vəzifədən kənarlaşdırılmasının əsl səbəbini gizlətməyə çalışır və KİV-ə səlahiyyətlərin aşılması haqqında məlumat sızdırılması əsl, bundan xeyli ciddi cinayətləri gizlətmək istəyidir.

Əminliklə demək olar ki, 2005-ci ildə DİN sistemində polkovnik Hacı Məmmədovun başçılıq etdiyi killerlər qrupunun ifşasından sonra ölkənin hüquq-mühafizə sistemi ən ciddi böhranını yaşayır. Təsadüfə baxın ki, həmin cinayətkar qrup məhz bu yaxınlara qədər Eldar Mahmudovun rəhbərlik etdiyi MTN əməkdaşları tərəfindən ifşa olunub.

Mahmudovun vəzifədən kənarlaşdırılmasının səbəbləri haqqında versiyalar arasında ən çox yayılan iqtisadi amil – yəni böyük biznesdən pul tələb etməkdir ki, bu da bütünlükdə hakimiyyətin etibarının sarsılmasına səbəb olub.

Lakin ekspertlər də ali rəhbərlik imkan verməsə bu cür mənimsəmələrin və cinayətlərin mümkün olmayacağı fikrində də həmrəydirlər. Bu mənada Beynəlxalq Bankdan milyardlarla manat vəsaitin israf edilməsi ən parlaq nümunədir.

MTN rəhbərliyinin hərəkətlərini acgözlüklə yeyən güc qurumu nümayəndəsi kimi də qiymətləndirmək olmaz. Artıq neçə illərdir yuxarılarda işləyən şüar sadədir: Zənginləşin, amma sadiq qalın!

Parlamentin keçmiş spikeri Rəsul Quliyev, sabiq nazirlər Əli İnsanov və Fərhad Əliyev də bu şüara inanırdı. Eldar Mahmudov da, Kabinetin bütün hazırki üzvləri də ona inanırdı.

Amma, bəlkə indi onlar bir az düşünərlər. -02В-

Rəy yaz

Siyasət

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti