Milli Məclis bugünkü iclasında 2015-ci il noyabrın 1-dən Azərbaycanda sahibkarlıq sahəsində aparılan yoxlamaların 2 il müddətinə dayandırılmasını nəzərdə tutan qanun layihəsini qəbul edilib.
Yeni qanuna əsasən, bu müddətdə yalnız vergi yoxlamaları və əhalinin həyat və sağlamlığı, eləcə də milli və iqtisadi təhlükə hallarının mövcud olması ilə bağlı yoxlamalar aparıla bilər.
Bu qanun Baş Prokurorluğun korrupsiya ilə mübarizə sahəsində apardığı yoxlamalara şamil edilmir.
Xatırladaq ki, dövlət başçısı İlham Əliyev Nazirlər Kabinetinin 2015-ci ilin 9 ayının yekunlarına həsr olunmuş iclasında çıxışı zamanı yoxlama və lisenziyalarının sayının azaldılmasının vacibliyini bildirmişdi.
Prezidentin Prezidentin 19 oktyabrda imzaladığı fərmana əsasən, sahibkarlıq fəaliyyətinin lisenziya tələb olunan bütün növləri üzrə lisenziya verilməsi İqtisadiyyat və Sənaye Nazirliyinə həvalə edilib.
Turan ekspertlərinin fikrincə, bu, sahibkarların işini yüngülləşdirməyəcək. Hazırda istənilən sahibkar 2 günə biznes aça bilər. 3 ay sonra vergi müfəttişliyi mənfəət vergisi və rüşvət tələb edir. Bu səbəbdən yanvar-sentyabrda qeydiyyata alınan vergi ödəyicilərinin sayı (58 min 473 nəfər) ötən ilin eyni dövrü ilə (61 181) müqayisədə 4,4% azalıb. Azalma tendensiyası davam edir. --17D—
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz