Eldar Mahmudov milli təhlükəsizlik naziri vəzifəsindən kənarlaşdırıldıqdan sonra MTN-də aparılan araşdırma nəticəsində 7 vəzifəli əməkdaşın həbs edilməsi barədə şayiələri Baş Prokurorluq təsdiqləyib. Onların adları açıqlanmır.
Baş Prokurorluğun məlumatında deyilir ki, vəzifə səlahiyyətindən sui-istifadə və MTN-nin ayrı-ayrı vəzifəli şəxsləri tərəfindən qanun pozuntularınına yol verilməsi faktları üzrə cinayət işi qaldırılıb.
İstintaq-əməliyyat tədbirləri zamanı MTN əməkdaşlarının sahibkarların fəaliyytinə qanunsuz müdaxiləsi aşkar edilib.
Bununla da onlar vəzifə səlahiyyətindən sui-istifadə edərək əməliyyat-axtarış fəaliyyəti haqqında qanunu pozublar.
Bununla əlaqədar MTN-in 7 vəzifəli əməkdaşının barəsində CM-in 302.2 (məxfi məlumatın əldə edilməsi üçün nəzərdə tutulan texniki vasitədən istifadə edilməklə əməliyyat-axtarış fəaliyyəti haqqında qanunvericiliyin pozulması), 308.2 (vəzifə səlahiyyətindən sui-istifadə) və 309.1 (vəzifə səlahiyyətini aşma) maddələri ilə cinayət işi qaldırılıb. Onların barəsində həbs qətimkan tədbiri seçilib Əməliyyat-istintaq tədbirləri davam etdirilir, məlumatda deyilir.06D-
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz