Prezident İlham Əliyevin sərəncamı ilə 57 yaşlı general-leytenant Mədət Quliyev milli təhlükəsizlik nazirinin birinci müavini təyin edilib.
Bundan öncə M.Quliyev iki ildən çox Penitensiar Xidmətin rəisi olub, buna qədərsə uzun illər DİN orqanlarında çalışıb, İnterpol milli bürosuna rəhbərlik edib, Mütəşəkkil Cinayətkarlığa Qarşı Mübarizə İdarəsinin rəisi olub.
O 1994-cü ilin oktyabrında Gəncə şəhərini qoruyaraq Surət Hüseynovun qiyamçı dəstəsinə təslim etmədiyinə görə Milli Qəhrəman adını alıb.
M.Quliyevin MTN rəhbərinin birinci müavini təyin edilməsi həm də o deməkdir ki, Hilal Əsədov bu postdan kənarlaşdırılıb, onun taleyi məlum deyil.
Dövlət başçısının digər sərəncamı ilə MTN sistemində struktur dəyişikliyi edilib ki, mahiyyəti açıqlanmır.—06D-
Siyasət
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
-
“Abzas Media”nın həbsdə olan jurnalistlərinin yaxınları ilə telefon danışıqları 15 dəqiqədən 2 dəqiqəyə endirilib. Bu məhdudiyyət Bakıda COP29 beynəlxalq iqlim konfransının keçirilməsilə əlaqədardır.
Rəy yaz