Vergi mədaxili 15% azalıb
Bu ilin iki ayında Vergilər Nazirliyi dövlət büdcəsinə 939 mln 138,2 min manat köçürülməsini təmin edib. Bu, proqnoz göstəricisindən 5,2% çoxdur, deyə qurumun mətbuat xidməti bildirir.
2016-cı ilin eyni dövrü ilə müqayisədə vergi mədaxili 162,3 mln manat və ya 15% azalıb.
2017-ci ildə Vergilər Nazirliyinin xətti ilə vergi və dövlət rüsumu yığımı üzrə proqnoz 7 mlrd 510 mln manatdır. Bu, 2016-cı ildəkindən 7,1% çoxdur.
Dövlət büdcəsinin gəlirləri 16 mlrd 255 mln manat proqnozlaşdırılıb.
Vergilər Nazirliyi Heritage Fondunun «İqtisadi azadlıq indeksi»nə əsasən bildirir ki, Azərbaycan sahibkarlığın vergi yükünün səviyyəsinə görə (sosial sığorta ödənişi nəzərə alınmadan 14,2%) 28-ci yeri tutur. Amma müstəqil araşdırmalar zamanı sahibkarlar vergi xidməti tərəfindən qeyri-leqal yığımların olduğunu bildirir.
Vergilər Nazirliyi bildirir ki, 2017-ci ilin yanvar-fevralında 68 172 vergi ödəyicisi qeydiyyata alınıb. Bunun 492-si ƏDV ödəyicisidir. 08B
-
- Cəmiyyət
- 16 Mart 2017 11:40
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz