2013-cü il oktyabrın 1-i üçün dövlət büdcəsinə olan vergi borclarının məbləği cari ilin əvvəli ilə müqayisədə 10,9 faiz, 2012-ci ilin müvafiq dövrü ilə müqayisədə isə 13,5% azalıb.
İlin əvvəlindən vergi borcları 282,8 mln manat azalıb. Beləliklə, bu gün vergi borcları 2,6 mlrd manatdır. Vergilər Nazirliyi qəsdən vergi ödəməyən vergi ödəyiciləri, o cümlədən iri dövlət təsərrüfat subyektləri barədə məlumat açıqlamır. Azərbaycanda konkret subyektin vergi borcu barədə məlumat kommersiya sirri sayılır.
Vergilər Nazirliyinin analitik informasiya şöbəsində Turan-a bildiriblər ki, bu il 169 min 18 borclu vergi ödəyicisinin borcları tamamilə ləğv edilib. 8 min 228 borclu vergi ödəyicisinin borcu bu ilin əvvəlinə kimi yaranıb.
Vergilər Nazirliyi vaxtı keçən borcların ödənilməsi məqsədilə icbari ödəniş barədə 46 296 qərar qəbul edib. Əmlakın siyahıya alınması barədə açılmış qərarlar üzrə 50,3 milyon manat məbləğində vəsaitin dövlət büdcəsinə ödənilməsi təmin edilib. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz