Vergilər Nazirliyinin inzibati binasının tikintisinə texniki nəzarəti Avstriya-Almaniya şirkəti həyata keçirəcək

Vergilər Nazirliyi “İLF Beretende İngenieure GmbH” Avstriya-Almaniya şirkətinin Azərbaycan filialını Vergilər Nazirliyinin inzibati binasının tikintisinə texniki nəzarət üzrə məsləhətçi seçib.

Vergilər Nazirliyinin məlumatına görə tərəflər arasında sazişin qiyməti 1 mln 699 min 200 manatdır. “İLF Beretende İngenieure GmbH” şirkətinin filialının rəhbəri Qulu Məmmədov Turan-a deyib ki, şirkətin 10-dan artıq əməkdaşı 18 ay ərzində texniki nəzarət xidməti göstərib.

Şirkətin dövlət strukturları ilə çoxillik təcrübəsi var. 2007-ci ildən Mədəniyyət və Turizm Naziriyinə “Şahdağ” kurort kompleksinin tikintisində məsləhət verir. “İLF Beretende İngenieure GmbH” şirkəti ilə tikintisinin iki mərhələsi üzrə tikinti işi $5 mln qiymətləndirilir, deyə şirkətin təmsilçisi qeyd edib. Bu yaxınlarda “İLF Beretende İngenieure GmbH” “Pasha Constroction” MMC-nin layihələrindən birinin həyata keçirilməsini başa çatdırıb.  

Bu ilin fevralından Azərbaycanda "İLF Beratende İngenieure AG" (İsveçrə) şirkətinin filialı fəaliyyət göstərir. O, «Azərbaycan Dəmir Yolları» QSC ilə Bakı-Böyük-Kəsik dəmir yolunun modernləşdirilməsində iştirak edir.

“İLF Beretende İngenieure GmbH” şirkətinin ticari adı “ILF Consulting Engineers”dir.

Vergilər Nazirliyinin inzibati binasının tikintisi üzrə 110,9 mln manatlıq saziş “Tekfen İnsaat ve Tesisat A.S” (Türkiyə) şirkəti ilə bağlanıb. 08B