Erməni dissidentlər Xocalı faciəsi qurbanlarının abidəsini ziyarət ediblər
Ermənilərlə azərbaycanlılar vasitəçi olmadan birbaşa dialoq apara və münaqişəni həll edə bilər. Bunu erməni dissident və yazıçı Vaqe Avetyan bu gün Bakıda “Ermənistan-Azərbaycan Dağlıq Qarabağ münaqişəsi: əsas maneələr və nizamlanma perspektivləri. Ermənistan və Azərbaycandan baxış” mövzusunda beynəlxalq konfransdakı çıxışında bildirib.
Konfrans başlamazdan öncə o, digər erməni dissident, hüquq müdafiəçisi Vaan Martiosyanla birlikdə Xocalı faciəsi qurbanlarının memorialını ziyarət edib.
“Azərbaycanla bağlı təəssüratlarım çox yaxşıdır. İlk dəfə ötən ay şəxsi təşəbbüsümlə gəldim və bunu özümə borc bilirəm. Mən bura gəlib günahsız yerə ölən Xocalı qurbanlarının abidəsi önündə baş əyməyi qərara aldım. Allaha şükür ki, bunu etdim”, - Avetyan vurğulayıb.
O ümidvar olduğunu bildirib ki, bu, son səfər deyil. “Biz münaqişəni nizamlamaq üçün çox işləməliyik. Bizdə və sizdə çoxlu qaçqın var. Əgər bu məsələni indi həll etməsək gələcəkdə daha çətin olacaq”.
Onun fikrincə, dinc yanaşı yaşamaq təcrübəsinə malik olan hər iki xalq etnik nifrətə son qoya bilər
“Mən mədəni və humanitar əlaqələrin bərpasına tərəfdaram. Çox istərdim ki, vasitəçilər olmadan birbaşa dialoq olsun. Biz buna hazırıq. Müxtəlif səviyyələrdə görüşlər təşkil etmək lazımdır. Ədəbiyyatı, filmləri tərcümə etmək lazımdər. Münaqişənin dinc nizamlanması hərəkatının təsisçiləri Georgi Vanyan və digərlərini Azərbaycana dəvət etməyə başlamaq lazımdır”, - Avetyan bildirib.
Öz növbəsində Vaan Martirosyan bildirib ki, Ermənistan əhalisinin Azərbaycan haqda obyektiv məlumatı yoxdur. “Ermənistan KİV heç zaman bu gün Bakıda baş verənlər barədə həqiqəti yazmayacaq”.
“Azərbaycan barışıq formatını dəstəkləyərək dövlət səviyyəsində addımlar atır. Nə qədər ki Xocalı soyqırımını törədən hakimiyyət Ermənistanda mövcuddur, barışıq olmayacaq. Hazırda onlar özləri Ermənistanda soyqırım törədirlər. Onlar Bakıda dövlətin mühafizəsi altında erməni kilsəsinin olduğunu ermənilərdən gizlədirlər. Bakıda minlərlə erməni yaşayır. Azərbaycanda, regionlarda ermənilərə aid müqəddəs yerlər var. Onlar mühafizə olunur. Ermənistanda görkəmli aktyor Ciqarxanyan “azərbaycanlılar və ermənilər barışmalıdır” fikrini söylədiyinə görə satqın adlandırdılar”, - Martirosyan vurğulayıb.
“İstənilən münaqişəni ondan zərər çəkənlər həll edirlər, bunlar isə azərbaycanlılar və ermənilərdir. Bizim xalqlarımız münaqişəni həll edəcəklər. QHT, incəsənət xadimləri vasitəsilə. Barışıq vaxtı çatıb”, - Martirosyan qeyd edib.
Elə bir erməni yoxdur ki, səmimi qəlbdən desin ki, Qarabağ münaqişəsi ona xoşbəxtlik gətirib. Münaqişədən qazananlar insanlığa qarşı cinayətlərə görə Haaqa tribunalına cəlb olunmalıdır”, - o bildirib.06D-
-
- İqtisadiyyat
- 8 Noyabr 2016 11:41
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz