İqtisadi İnkişaf Nazirliyi oktyabrın 20-də “Azərbaycan gəncliyi 2011-2015-ci illərdə Dövlət Proqramı”na uyğun olaraq xaricdə təhsil almış gənclər üçün Bakı Biznes Mərkəzində əmək yarmarkası keçirəcək.
İİN mətbuat xidmətində Turan-a deyiblər ki, yarmarkada iqtisadiyyatın müxtəlif sahələrində (neft-qaz, enerji, sənaye, kənd təsərrüfatı, tikinti, nəqliyyat, rabitə, informasiya texnologiyaları, bank-maliyyə, turizm və s.) fəaliyyət göstərən 50-yə yaxın nüfuzlu yerli və xarici şirkətin nümayəndələrinin iştirakı nəzərdə tutulur.
Gənclərin xaricdə təhsili üzrə dövlət proqramı 2007-ci ildən həyata keçirilir.
2012-ci ilin əvvəli üçün proqram çərçivəsində 23 ölkədə tibb, İKT, iqtisadiyyatın idarə edilməsi və s. üzrə 853 tələbə təhsil alır. Təhsil Nazirliyinin məlumatına görə, təhsili başa vuran 322 nəfərin bir hissəsi daha yüksək təhsil alır, qalanları dövlət və özəl sektorda işlə təmin edilib. 08B
İqtisadiyyat
-
Bakının ictimai avtobuslarında istifadə olunan, mobil telefon tətbiqi və M10 proqramı ilə aktivləşdirilən QR-kod vasitəsilə həyata keçirilən ödəniş üsulu sərnişinlər üçün çətinliklər yaradır, iqtisadçı Samir Əliyev Facebookda bildirib.
-
Gələn ildən etibarən Azərbaycan hökuməti, yerli məhsulları xaricə ixrac edən, lakin qazandıqları gəlirin bir hissəsini ölkəyə qaytarmayan sahibkarlara münasibətdə yeni siyasət həyata keçirəcək. Bu məsələ xüsusilə Rusiyada satılan Azərbaycan pomidorlarına aiddir. Milli Bankın sədri Taleh Kazımovun sözlərinə görə, belə sahibkarların cəzalandırılması ilə bağlı qərarlar gəlirin geri qaytarılmamasının səbəbləri dərindən araşdırılmadan qəbul edilməyəcək.
-
Nazirlər Kabineti dövlət büdcəsi hesabına maliyyələşdirilən büdcə sahəsi işçilərinin aylıq əməkhaqqının müəyyən edilməsi üçün yeni Vahid Tarif Cədvəlini təsdiqləyib. Bu qərar, 26 dekabr 2024-cü ildən qüvvəyə minən 540 nömrəli Qərarda əks olunub və dövlət sektorunda əməkhaqqının standartlaşdırılmasına yönəlib.
-
Dekabrın 27-də Azərbaycan Prezidenti İlham Əliyev Azərbaycan Sənaye Korporasiyasının (ASK) ləğv edilməsi və əsas aktivlərinin Azərbaycan İnvestisiya Holdinqinə (AİH) verilməsi barədə sərəncam imzalayıb. Bu qərar dövlət müəssisələrinin idarə edilməsini təkmilləşdirmək üçün mühüm addım olaraq qəbul edilir. Qərar dərhal qüvvəyə minir və tənzimləmə məsələlərinin həlli ilə yanaşı, əməliyyatların səmərəliliyini artırmağı hədəfləyir.
Rəy yaz