Xarici dempinqə qarşı qanun layihəsi yenidən işlənmək üçün göndərilib

Bu gün parlamentin iqtisadi siyasət, sənaye və sahibkarlıq komitəsi “Antidempinq, kompensasiya və müdafiə tədbirlərihaqqında” qanun layihəsi mətnini yenidən işlənmək üçün. Halbuki əvvəllər (fevralın 12-də) Milli Məclis ilk oxunuşdan onu qəbul edib.

Komitə sədri Ziyad Səmədzadənin sözlərinə görə, mətn qavramaq üçün çox çətindir, deputat Əli Məsimli isə hesab edir ki, belə sənədlərin işlənilməsində təkcə İqtisadayyat Nazirliyinin mütəxəssislərinə arxayın olmaq olmaz və bir neçə nazirlik və qurumun səyini koordinasiya etmək lazımdır. “Bu sənəddə iqtisadi məsələlərdən əlavə gömrük və məhkəmə-hüquq aspektləri əks olunub. Ona görə də zəruri təkmilləşdirmə məqsədi ilə onun üzərində iş üçün müvafiq strukturları işə cəlb etmək lazımdır”, - yerli biznesə vaxtında dəstəyin əhəmiyyətinə qeyd edərək o bildirib.

Bundan əlavə, müzakirə iştirakçəlarının sözlərinə görə, qanun layihəsi olduqca ikimənalıdır, bir çox ziddiyyətləri var, bu da onun qəbulundan sonra sənayenin inkişafına mənfi təsir edəcək proteksionizmin inkişafına gətirib çıxara bilər.

 AR Dövlət Gömrük Komitəsinin baş idarəsinin rəisi Mirqasım Vahabovun sözlərinə görə, onun təmsil etdiyi qurum sənəd müəlliflərinə yerli istehsalçıların idxal və ixrac məsələsində maraqlarının qorunması sahəsində tövsiyyələr təqdim edib, lakin onlar nəzərə alınmayıb.

Qanun layihəsinin əsas müddəaları dempinq faktlarının üzə çıxarılması, həmçinin dempinq marjası həcmində məhsulun ölkəyə gətirilməsinə gömrük rüsumunun artırılması faktlarının aşkarlanmasını nəzərdə tutur. --17D—