Bu ilin yeddi ayında Azərbaycanın xarici ticarət dövriyyəsinin həcmi $19 381 mln olub. Bu, ötən ilin eyni dövründəkindən 5,9% azdır. Xarici ticarət dövriyyəsinin azalması xam neft ixracının azalması ilə bağlıdır.
Dövlət Gömrük Komitəsinin məlumatına görə, ilin əvvəlindən ölkənin ixracat həcmi $14 mlrd-dan çox olub. Bu, 2011-ci ilin eyni dövründəkindən 9% azdır. O cümlədən xam neft $12,1 mlrd, neft məhsulları $697,4 mln, təbii qaz ixracatı $340 mln olub. Beləliklə, 7 ayda ixracatda neft-qaz sektorunun xüsusi çəkisi ($13,1 mlrd) 93,3% təşkil edib.
Yeddi ayda Azərbaycanda idxal həcmi $5,3 mlrd olub. 2011-ci ilin eyni dövrü ilə müqayisədə o, 3,47% artıb. İdxal mallarının 20,6%-i dövlət sektorunun payına düşüb.
Azərbaycanın xarici ticarət dövriyyəsinin müsbət saldosu $8 783 mln təşkil edib. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz