![ABŞ zəlzələ ilə əlaqədar Tehrana qarşı sanksiyaları zəiflədib](https://turan.az/resized/media/2012/main/082200008399-750-500-resize.webp)
ABŞ zəlzələ ilə əlaqədar Tehrana qarşı sanksiyaları zəiflədib
ABŞ hakimiyyəti bir ay yarım müddətinə İrana qarşı sanksiyaları zəiflədərək, qeyri-hökumət təşkilatlarına 11 avqust zəlzələsindən sonra yaşayış məntəqələrinin bərpa edilməsi və humanitar yardım layihələrini maliyyələşdirməyə icazə verib. Bu barədə ABŞ-ın Maliyyə Nazirliyinin press-relizində deyilir.
5 oktyabr 2012-ci ilə qədər Amerika QHT-lərinə İrana 300 min dollara qədər vəsait köçürməyə icazə verilir. Daha böyük məbləğlərin köçürülməsi üçün Maliyyə Nazirliyinə xüsusi müraciət olmalıdır. Zəlzələ zamanı zərər çəkənlərə dərman və ərzaq göndərilməsi xüsusi lisenziya tələb etmir.
QHT-lər özləri zəlzələ ilə əlaqədar məhdudiyyətlərin qaldırılmasında israr edirdilər. Bundan başqa, İran-Amerika Milli Şurasının saytında ABŞ prezidentinə, maliyyə nazirliyinə və dövlət katibinə bu tələblərlə açıq məktub dərc edilib.
Avqustun 11-də baş vermiş zəlzələlər nəticəsində İranın azərbaycanlılar məskunlaşan şimal-qərbində, rəsmi məlumatlara görə, təxminən 300 nəfər həlak olub, 3000 nəfərdən çox xəsarət alan var. İran hakimiyyətinin qiymətləndirmələrinə görə, dəyən ziyan 650 milyon dollardan artıq olub. 60-dan çox qəsəbə tamamilə dağılıb, 200-ə yaxın yaşayış məntəqəsinə ciddi ziyan dəyib. Mənzillərindən məhrum olan insanlar çadır şəhərciklərinə yerləşdirilir. -02D-
-
- İqtisadiyyat
- 22 Avqust 2012 16:01
-
- Söz istəyirəm
- 22 Avqust 2012 16:22
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz