Bu ilin yeddi ayında Azərbaycana 49 537 ədəd avtomobil nəqliyyatı vasitəsi gətirilib. İdxalın 86%-i minik avtomobillərinin payına düşür. Bu barədə Turan-a Dövlət Gömrük Komitəsindən (DGK) məlumat verilib.
İlin əvvəlindən “vahid pəncərə” prinsipi üzrə gömrük sərhədindən 42 784 ədəd minik avtomobili keçib. DGK avqustdan avtonəqliyyat vasitələrinin idxalının həcmi üzrə hesabatlılığın formasını yenidən dəyişib. Xatırladaq ki, 2011-ci ilədək DGK ölkəyə gətirilən yeni və istifadə olunmuş avtomobillər haqqında ayrıca məlumat verirdi. 2011-ci ilin yanvarından bu ilin iyununadək yalnız gömrük mədaxil orderi üzrə sənədləşdirilən istifadə olunmuş avtomobillər haqda informasiya verilib. Həmin sənədlərə görə, bu ilin birinci yarısında ölkəyə 18 866 ədəd istifadə olunmuş minik avtomobili gətirilib.
DGK-nın məlumatına görə, minik avtomobillərinin bəyan edilmiş dəyəri $421,2 mln. təşkil edir. Bu, cari ilin yanvar-iyul aylarında idxalın ümumi həcminin 7,9%-nə bərabərdir. Bir minik avtomobil gömrükdə orta hesabla $9845 dəyərində göstərilib.
Bundan əlavə, ilin əvvəlindən bəyan edilmiş dəyəri $36 mln. həcmində 635 ədəd avtobus və mikroavtobus gətirilib.-08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz