2013-cü ilin sentyabrında nağdsız xarici valyuta əməliyyatları dövriyyəsi 3197 mln manat ($4,1 mlrd) ekvivalenti olub. Ay ərzində o, 15,2 % artıb. Doqquz ayda valyuta dövriyyəsi 27,7 mlrd manat olub. Ötən ilin eyni dövrü ilə müqayisədə o, 16,8% artıb.
Bu ilki sentyabrda nağd Amerika valyutası ilə əməliyyat həcmi $1037 mln təşkil edib. Bu, avqustdakından $69 mln və ya 7,1% çoxdur. Hesabat ayında bu valyutanın satışı 29,3% artıb, alışı 0,3% azalıb. 2012-ci ilin eyni dövrü ilə müqayisədə bu ilin yanvar-sentyabrında Amerika valyutası ilə nağd mübadilə əməliyyatlarının ümumi dövriyyəsi $315 mln və ya 3,6% artaraq $9006 mln olub.
Nağd avro ilə əməliyyat həcmi 9 ayda 2549 mln (müvafiq valyuta vahidi) olub. Bu, ötən ilin eyni dövrü ilə müqayisədə 38,4% çoxdur.
Yanvar-sentyabrda Rusiya rublu və ingilis funt sterlinqi ilə nağd mübadilə əməliyyatlarının ümumi dövriyyəsi 12566 mln və 50 mln təşkil edib.
Nağd ABŞ dollarının manatla orta mübadilə məzənnəsi sentyabrda 1 bənd, 12 ayda 13 bənd azalıb və 1 USD üçün 0,7844 manat olub. --15B—
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz