Xəzər Universitəsində çayçılığın inkişafı ilə bağlı konfrans

11 dekabr 2018-ci il tarixində Xəzər Universitəsində ənənəvi "Elm və Sənət Məclisi"nin 68-ci məşğələsi keçirildi. Məşğələni giriş sözü ilə Xəzər Universitəsinin təsisçisi, Direktorlar və Qəyyumlar Şurasının sədri, prof. Hamlet İsaxanlı açaraq məruzəçi alim, Beynəlxalq Qafqaz və Azərbaycan Çay Assosiasiyaları İctimai Birliyinin prezidenti, Azərbaycan Milli Elmlər Akademiyasının Lənkəran Bölməsinin rəhbəri, aqrar elmləri doktoru, prof. Fərman Quliyevin həyat və yaradılıcılığı haqqəında geniş məlumat verdi. Sonra məruzəçi Azərbaycanda çay və sitrus plantasiyalarının salınmasından, çayçılığın və sitrus bitkilərinin inkişafı ilə dövlət proqramlarının qəbul edilməsi haqqında ətraflı məlumat verdi. Məşğələ iştirakçılarının diqqətinə çatdırıldı ki, ölkəmizə çay bitkisi XIX əsrin əvvəllərində gətirilib. 1929-cu ildən elmi əsaslarla becərilməsinə, sənaye miqyaslı plantasiyaların salınmasına isə 1932-ci ildən başlanıldığı bildirildi,

Məruzə ətrafında müzakirələrdə İradə Xəlilova, Əlövsət Əmirbəyli, Rövşən Abbasov, Elsevər İbadov, Cavid Ocağı (Xəzər Universitəsi), Abbas İsmayılov, Zaur Həsənov ( Azərbaycan Dövlət Aqrar Universiteti, Gəncə ), Əli Şamilov (AMEA-nın Folklor İstitututu), Nemət Məmmədli, İsmixan Yusubov ( Bakı Dövlət Universiteti) və digərləri çıxış etdilər. Sonda prof. Hamlet İsaxanlı maraqlı məruzə üçün prof. Fərman Quliyevə dərin təşəkkürünü bildirdi və ona universitənin hədiyyəsini təqdim etdi. Xatirə şəkilləri çəkildi.--0--