![Yanan platforma yenidən qurulur](https://turan.az/resized/media/2016/main/080500164665-750-500-resize.webp)
Yanan platforma yenidən qurulur
“Azneft” İstehsalat Birliyinin sifarişi ilə “Neftqaztikinti” Tresti 28 May adına NQÇİ-nin istismar etdiyi “Günəşli” yatağında 10 saylı dərin dəniz özülünün qəzadan sonra yenidən qurulması layihəsi üzrə aparılan tikinti-quraşdırma işlərini başa çatdırmaq üzrədir. Xəbəri SOCAR yayıb.
Həyata keçirilən təmir-bərpa işləri çərçivəsində indiyədək özüldəki 30 quyunun quyuağzı avadanlıqları təftiş edilib, təhlükəsiz iş şəraiti yaradılıb.
Yararsız hala düşmüş metal-konstruksiya sökülüb, 4 modul bərpa edilib.
4 yanalma meydaçasından 2-si yenilənib, 2-si isə təmir edilib.
4 ədəd 42 nəfərlik xilasetmə qayığı və 1 ədəd 20 nəfərlik xilasetmə salı hazır vəziyyətə gətirilib, işçilər zəruri fərdi mühafizə vasitələri ilə təmin olunub.
Helikopter meydançası təmir edilərək hazır vəziyyətə gətirilib. Hazırda işıqlandırma dövrələrinin, köməkçi avadanlıqların kabelləşməsi, kabel yollarının quraşdırılması işləri davam etdirilir.
Xatırladaq ki, adı çəkilən 10 saylı platformada 2015-ci il dekabrın 4-də yanğın baş verib. Paltformada olan 64 neftçidən 34-ü xilas edilib. Axtarışlar nəticəsində 15 nəfərin meyiti tapılıb. 15 nəfər isə itkin düşümüş sayılır. -05D-
İqtisadiyyat
-
Türkmənistan, Azərbaycan, Gürcüstan və Rumıniya 2024-cü ildə Bükreşdə “Xəzər dənizi – Qara dəniz” beynəlxalq nəqliyyat marşrutunun yaradılması üzrə dördtərəfli hökumətlərarası razılaşma imzalamağa hazırlaşır. Bu barədə Türkmənistan Xarici İşlər Nazirliyi çərşənbə axşamı məlumat verib.
-
Azərbaycanda minimum əməkhaqqının artırılması ilə bağlı təkliflər hazırlanacaq. Bu barədə Biznes mühiti və beynəlxalq reytinqlər üzrə komissiyanın "Əmək bazarı" işçi qrupunun 2024-cü il üzrə Fəaliyyət Planında deyilir.
-
2023-cü ildə Azərbaycanda ətraf mühitin mühafizəsinə ayrılan xərclər əvvəlki illə müqayisədə 2,9 dəfə artaraq 677,4 milyon manat təşkil edib ki, bu da ölkənin ümumi daxili məhsulunun 0,6 faizinə bərabərdir. Bu barədə Dövlət Statistika Komitəsi məlumat verir.
-
Azərbaycan Dövlət Sərhəd Xidmətinin məlumatına görə, 2024-cü ilin ilk yarısında Azərbaycana 179 min əcnəbi və vətəndaşlığı olmayan şəxs gəlib ki, bu da ötən ilin eyni dövrü ilə müqayisədə 34.0% artım deməkdir. Ziyarətçilər 1231.1 ölkədən gəlib.
Rəy yaz