Yaxşı və pis sürücülər 15 yanvar 2013-cü ildən müəyyən ediləcək

Bu gün Bakıda sığorta agentlərinin ilk milli forumu keçirilib. 

 İcbari Sığorta Bürosunun icraçı direktoru Elxan Quliyev bildirib ki, “İcbari sığorta haqqında” qanunda nəzərdə tutulan bonus-malus sistemi 15 yanvar 2013-cü ildən tətbiq ediləcək. Yenilik AVSMMİS (avtonəqliyyat vasitələri sahiblərinin mülki məsuliyyətinin icbari sığortası) çərçivəsində nəzərdə tutulub. 

 Sürücülər 17 dərəcə üzrə təsnif ediləcək. Bu, gələn ildən sığorta haqqına təsir edəcək. 

 Quliyevin sözlərinə görə, məlumatlar Büronun informasiya sisteminə daxil ediləcək. Bonus - malus cəza yox, mükafat sistemidir, deyə o bildirib. 

 AVSMMİS üzrə yeni sistemi tətbiq edilib. Avtomobillərin sığortasının qiyməti 1,5 min sm3 üçün (AVSMMİS üzrə) 50 manatdır. Mühərrikin həcmi artanda 1,5 (5 min sm3-ə qədər) və 5 (5 və daha artıq sm3) əmsal artırılır. 

Sərnişin nəqliyyatının avtosalonu və ya yük avtomobilinin tonnajı artanda da baza qiyməti artır. 

 Avtobuslar, mikroavtobuslar və onların   bazasında istehsal edilmiş digər avtonəqliyyat vasitələri – sərnişin yerlərinin sayına görə 9-dan 16-dək 3 əmsalı, 16 yerdən çox olanda 4 əmsalı artırılır.

 Yük avtomobiləri üçün əmsal 3-5 arasıdır. 

 Motosikl, traktor və başqa kənd təsərrüfatı texnikası üçün əmsal minimaldır. 

 AVSMMİS üzrə sığorta haqqı müəyyən ediləndə də bonus-malus nəzərdə tutulub. 

Qanuna görə əmlaka dəyən ziyana görə 5 min manat,  bir şəxsin sağlamlığına dəyən ziyana görə 5 min manat, bir sığorta hadisəsi üzrə maksimum 55 min manat ödənilir. --17D—