Yeni AVSMMİS üzrə ödənişlər icbari sığorta üzrə ödənişlərin üçdə ikisi qədərdir

Sığorta şirkətləri yanvar-apreldə bütün növlər üzrə 38 mln 211,21 min manat ödəniş ediblər. Bu, ötən ilin eyni dövründəkindən 30,7% çoxdur. Artım avtonəqliyyat vasitələri sahiblərinin mülki məsuliyyətinin icbari sığortası üzrə ödəniş artımı ilə şərtlənir - 7,36 mln manat (ötən ilin 1 mayı üçün AVSMMİS üzrə ödənişlər 40 dəfə az - 158,93 min manat idi). 

Könüllü növlər üzrə 27 mln 102,36 min manat ödəniş edilib. Daha çox kompensasiya KTS – 13,93 mln manat, avtomobillərin КАСКО sığortası - 8,27 mln manat, könüllü həyat sığortası - 818,16 min manat, xaricə səyahət sığortası üzrədir – 102,85 min manat. 

Bədbəxt hadisə və xəstəliklərdən sığorta üzrə 354,31 min manat, əmlakın yanğından və başqa risklərdən sığortası üzrə 1,71 mln manat, yük sığortası üzrə 14,1 min manat, avtonəqliyyat vasitələri sahiblərinin mülki məsuliyyətinin sığortası üzrə 105,09 min manat ödənilib. 

Əməkdaşların dələduzluğundan sığorta üzrə 1,7 mln manat kompensasiya edilib. Ümumi mülki məsuliyyətin sığortası üzrə 102,26 min manat, işə götürənlərin məsuliyyətinin sığortası üzrə 16,42 min manat, kənd təsərrüfatı sığortası üzrə 74,12 min manat ödəniş olub. 

İcbari növlər üzrə 11,11 mln manat kompensasiya edilib. Bunun 66,25%-i (7,36 mln manat) yeni AVSMMİS üzrədir. Hərbçilərin icbari sığortası üzrə 2,3 mln manat, məhkəmə və hüquq-mühafizə orqanları əməkdaşlarının icbari sığortası üzrə 274,93 min manat, köhnə AVSMMİS üzrə 18,82 min manat, əmlakın icbari sığortası üzrə 598,98 min manat kompensasiya edilib.  --17D—