![Yeni neft-kimya kompleksinin tikintisinə uzunmüddətli kredit cəlb ediləcək - SOCAR](https://turan.az/resized/media/2015/main/071500123200-750-500-resize.webp)
Yeni neft-kimya kompleksinin tikintisinə uzunmüddətli kredit cəlb ediləcək - SOCAR
Azərbaycan Respublikası Dövlət Neft Şirkəti (SOCAR) Azərbaycanda yeni neft və qaz emalı və neft-kimya məhsullarının istehsalı kompleksinin (OGPC) yaradılması layihəsinə uzunmüddətli kredit resursları cəlb edəcək.
Bunu jurnalistlərə SOCAR prezidenti Rövnəq Abdullayev deyib.
"Satılan malın qiyməti düşəndə gələcək layihələr üçün xərcləri azaltmaq lazım olur. Lakin hazırda bütün layihələrimiz elə mərhələdədir ki, onların azaldılması məsələsi gündəmdə deyil. Bildiyiniz kimi, "Cənub Qaz Dəhlizi" layihəsi üzrə işlər gedir, FEED mərhələsinə və OGPC kompleksinin yaradılması üzrə işlərin ətraflı layihələndirilməsi mərhələsinə qədəm qoyduq. Mən Yaponiyada yerli şirkətlərlə bu məsələni müzakirə etdim və onların layihədə iştiraka böyük marağı var", - deyə Abdullayev bildirib.
Onun sözlərinə görə, Yaponiyanın "Exim Bank"ının layihənin maliyyələşdirilməsində iştirak imkanı var: "Bütün bu işlər davam etdiriləcək, OGPC-nin reallaşdırılmasına uzunmüddətli kreditlər cəlb ediləcək".
O, həmçinin "SOCAR Polymer" layihəsinin uğurla reallaşdırılmasını vurğulayıb: "Zavodun tikintisi başlayıb, maliyyələşdirmə aparılır (“Qazprombank”la 19 iyun 2015-ci ildə 10 illiyə $489 mln məbləğində saziş imzalanıb - Turan) və artıq birinci qurğuya görə müqavilə bağlanıb.
“Heç bir layihənin reallaşdırılması dayandırılmayıb və onlarla bağlı gecikmə yoxdur: "Lakin risklərə ehtiyatla yanaşırıq, onları idarə edirik. Bizim risklərin idarə edilməsi üzrə böyük qrupumuz var və o, bütün məsələlərə vaxtında baxır", - deyə R.Abdullayev əlavə edib
"SOCAR Polymer" Sumqayıt Kimya-Sənaye Parkında həyata keçirilir. Gücü ildə 180 min ton polipropilen və 120 min ton polietilendir. Məhsulun çoxu Türkiyə və Qərbi Avropaya satılacaq.
OGPC 3 emal müəssisəsi və İES-dən ibarət olacaq. OGPC (2030-cu il üçün tikiləcək) tərkibindəki NEZ-in gücü 9 mln ton, qaz emalı zavodunun gücü 12 mlrd kubmetr, neft-kimya istehsalı 1 mln ton (polietilen qurğusunun gücü 800 min ton, polipropilen qurğusunun gücü 300 min ton) olacaq.
OGPC-nin birinci mərhələsinin qiyməti $7 mlrd (kredit faizləri ilə $8,45 mlrd) təşkil edəcək. –12D--
-
- İqtisadiyyat
- 15 İyul 2015 12:39
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz