Yeni sadələşdirilmiş vergi illik dövriyyəsi 200 min manata qədər olan ticarətçilərə və ictimai iaşə obyektlərinə aid deyil
Vergi Məcəlləsinə dəyişiklikdən sonra da illik satış dövriyyəsi 200 min manata qədər olan ticarət və ictimai iaşə obyektləri sadələşdirilmiş vergini mövcud dərəcələrlə (Bakıda 4%, rayonlarda 2%) ödəyəcəklər. Bu sözləri vergilər naziri Fazil Məmmədov “Azərtac” informasiya agentliyinə müsahibəsində deyib.
Ticarət və ictimai iaşə fəaliyyəti ilə məşğul olan şəxslərin satış dövriyyəsi 200.000 manatdan artıq olduğu halda (indi 120 min manatdır), əldə edilən ümumi hasilatın həcmindən ticarət fəaliyyəti üzrə 6 faiz, ictimai iaşə fəaliyyəti üzrə 8 faiz dərəcə ilə sadələşdirilmiş vergi tətbiq ediləcək.
Nazir alkoqollu içkilərin nağd qaydada satışının qadağan olunması məsələsinə də toxunub. O deyib ki, aksizli malların nağdsız qaydada satışı bütövlükdə respublikada nağdsız qaydada satış həcminin artmasına müsbət təsir göstərəcək (1 noyabr üçün ölkədə 5 mln 685 min plastik kart var). Ölkə ərazisində hazırda 84 min pos-terminal quraşdırılıb ki, bunun da 62 faizi Bakı şəhərinin payına düşür”,- deyə o qeyd edib. Amm nazir rayonlarda necə olacağını deməyib. Xatırladaq ki, sadələşdirilmiş vergi ödəyiciləri olan fiziki və hüquqi şəxslər torpaq vergisi istisna olmaqla bütün növ vergilərdən azad ediliblər. --17D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz