Yeni ünvan sisteminə keçid bakılılar və şəhərin qonaqları üçün problemlər yaradıb. İnsanlar lazımi ünvanı tapa bilmirlər, çünki binaların girişində əvvəlkilərdən fərqli yeni nömrələr qoyulub. Yaranan vəziyyətlə bağlı Əmlak Məsələləri Dövlət Komitəsi izahat verib.
ƏMDK-nin məlumatında bildirilir ki, 1 500-dən çox küçə və prospekti əhatə edən Bakının yeni ünvan sisteminə keçid ilin sonunda başa çatacaq. Həmin müddətədək vətəndaşlar, qurumlar, bələdiyyələr yeni ünvanlardan deyil, hazırda mövcud olan ünvan məlumatlarından istifadə edəcəklər, deyə məlumatda bildirilir.
Yeni qaydalarla tətbiq edilən ünvan sistemi üç ardıcıl mərhələ üzrə həyata keçirilir. İlkin mərhələdə Əmlak Məsələləri Dövlət Komitəsi Norvec Kadastr Təşkilatının maliyyə dəstəyi ilə beynəlxalq məsləhətçilər və koreyalı mütəxəssislərin köməyi ilə Azərbaycan Ünvan Reyestrinin İnformasiya Sistemini hazırlayıb. İnformasiya açıqlığı prinsiplərinə zidd olaraq, istifadəçilərin sistemə çıxışı yoxdur. Mütəxəssislər hesab edir ki, yeni ünvan sistemi ilə kğhnədən paralel işlənməsi vacibdir.
MDB regionunda ilk dəfə Azərbaycanda tətbiq edilən bu sistemin prinsipi ondan ibarətdir ki, ünvan konkret bina və ya obyektə yox, onun hər bir girişinə verilir. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz