AMB 3 BOKT-un vəzifəli şəxslərini cərimə edib

Azərbaycan Mərkəzi Bankı (AMB) 3 bank olmayan kredit təşkilatının (BOKT) vəzifəli şəxslərini cərimə edib.

Bu barədə AMB-nin internet səhifəsində bildirilir.

Məlumatda deyilir ki, cərimələr qurumun apardığı kompleks yoxlama çərçivəsində cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin pozulması ilə bağlı tətbiq edilib. Belə ki,

Məcəllənin 598.1.1, 598.1.2, 598.1.6-cı maddələrinə müvafiq olaraq “Azpul” BOKT və onun vəzifəli şəxsi Bakı şəhəri Nərimanov Rayon Məhkəməsinin qərarı ilə müvafiq olaraq 50 min manat və 10 min manat;

Məcəllənin 598.1.1 və 598.1.2-ci maddələrinə müvafiq olaraq “Azinvestkedit” BOKT-un vəzifəli şəxsi Bakı Apellyasiya Məhkəməsinin qərarı ilə 3 min manat;

Məcəllənin yalnız 598.1.2-ci maddəsinə müvafiq olaraq isə “Para” BOKT-un vəzifəli şəxsi Bakı şəhəri Nəsimi Rayon Məhkəməsinin qərarı ilə 2 min manat cərimələnib.