Bank Respublika və AKİAregionlarda fermerlərə birgə dəstək göstərəcək
Bakı, 20 iyun 2019.
İyunun 20-də Aqrar Kredit və İnkişaf Agentliyi (AKİA) və ölkənin aparıcı banklarından biri olan Bank Respublika Əməkdaşlıq haqqında Anlaşma Memorandumu imzalayıb. Memorandumun məqsədi AKİA-nın müvəkkil kredit təşkilatlarından biri olan Bank Respublika ilə əməkdaşlığı yeni səviyyəyə qaldırmaqdır.
Sənədi AKİA tərəfindən agentliyin sədri Mirzə Əliyev, Bank Respublika tərəfindən isə, bankın İdarə Heyətinin sədri Tariyel İsmayılov imzalayıb.
"Dövlətin aqrar sahədə tətbiq etdiyi güzəştlərdən faydananlar təkcə fermerlər deyil. Aparılan islahatlar, tətbiq edilən güzəştlər iqtisadiyyatın müxtəlif sahələrində fəaliyyət göstərən sahibkarlıq subyektlərinin inkişafına xidmət edir. Aqrar Kredit və İnkişaf Agentliyinin vəsaitlərindən istifadə ilə verilən güzəştli kreditlər, kənd təsərrüfatı texnikasının güzəştli şərtlərlə satışı bankların, kənd təsərrüfatı texnikası və damazlıq heyvan təchizatçılarının, sığorta və lizinq şirkətlərinin də müştəri şəbəkəsinin genişlənməsinə səbəb olur. Bunun müqabilində dövlət də həmin sahibkarlardan aparılan islahatlara dəstək istəyir. Bu memorandumu imzalamaqda məqsədimiz fermerlərin məlumatlandırılmasında və aqrar sahədə biliklərinin genişləndirilməsində Bank Respublikanı özümüzə tərəfdaş görmək istəyimizdir" - Aqrar Kredit və İnkişaf Agentliyinin sədri Mirzə Əliyev belə deyib.
" Bank Respublika sahibkarlığın və xüsusilə də kənd təsərrüfatının inkişafına və maliyyələşməsinə hər zaman dəstək olub. Bu baxımdan, aqrar sahənin inkişafına birbaşa dəstək verən dövlət qurumu ilə - Aqrar Kredit və İnkişaf Agentliyi ilə əməkdaşlığımız bizə real sektorun dəstəklənməsi istiqamətində geniş imkanlar yaradır. Agentlik ilə əməkdaşlıq çərçivəsində bankımıza ayrılan güzəştli kreditlər kənd təsərrüfatı layihələrinin maliyyələşdirilməsində mühüm rol oynayır. Bank Respublika qeyri-neft sektorunun davamlı inkişafı, ölkə iqtisadiyyatının ixrac qabiliyyətinin, eləcə də rəqabətqabiliyyətli məhsulların istehsalının artırılması, məşğulluğun təmin olunması istiqamətində işlər görməyə davam edəcək" - deyə, bankın İdarə Heyətinin sədri Tariyel İsmayılov bildirib.
Əməkdaşlıq memorandumu çərçivəsində fermer və sahibkarlar üçün birgə təlimlərin keçirilməsi, məlumatlandırma və reklam kampaniyalarının, seminarların təşkili nəzərdə tutulub.
Daha ətraflı məlumatı bankın rəsmi internet saytında, facebook səhifəsində və ya 144 nömrəsinə zəng edərək əldə edə bilərsiniz.®
-
- İqtisadiyyat
- 20 İyun 2019 14:56
-
- Siyasət
- 20 İyun 2019 15:09
Maliyyə
-
Sabah “Bakı Fond Birjası”nda (BFB) “Finans Kredit” bank olmayan kredit təşkilatının (BOKT) AZ2004023555 ISIN kodlu, 0,3 milyon manatlıq, 24 ay tədavül müddətli faizli, təmin edilməmiş, sənədsiz, adlı istiqrazlarının yerləşdirilməsi üzrə hərrac keçiriləcək.
-
ABŞ-ın paytaxtı Vaşinqtonda səfərdə olan Azərbaycan Mərkəzi Bankının sədri Taleh Kazımovun rəhbərlik etdiyi nümayəndə heyəti Dünya Bankı və Beynəlxalq Valyuta Fondunda (IMF) Azərbaycanın da daxil olduğu Seçki Qrupunun növbəti toplantısında iştirak edib.
-
“Bakı Fond Birjası”nda (BFB) “Caspian Equipment Company” səhmdar cəmiyyətinin (mühərrik və sürtgü yağları, akkumulyator, şin, filtr və digər ehtiyat hissələri satır) AZ1001021455 ISIN kodlu, 0,1 milyon manatlıq adi, sənədsiz, adlı səhmlərinin yerləşdirilməsi üzrə hərrac yekunlaşıb.
-
Azərbaycan Mərkəzi Bankı (AMB) “Global EFC” şirkətinə sığorta agenti fəaliyyəti üçün lisenziya verib.
Rəy yaz