“Legion Financial”ın səhmləri listinqə daxil olub
"Bakı Fond Birjası"nın (BFB) Listinq Komitəsinin qərarı ilə “Legion Financial” səhmdar cəmiyyətinin AZ1001025464 ISIN kodlu, 95 min manatlıq adi, sənədsiz, adlı səhmləri standart bazar seqmentində listinqə daxil edilib.
Bu barədə Birja məlumat yayıb.
Məlumatda deyilir ki, nominal dəyəri 100 manatdan 950 ədəd səhm abunə yazılışı üsulu ilə yerləşdiriləcək. Hərracın tarixi azı 2 iş günü qalmış BFB-nin internet səhifəsində açıqlanacaq.
Yerləşdirmə üzrə anderrayter “Assist Finance” investisiya şirkətidir. Bütün səhmlər satılsa, “Legion Financial”ın nizamnamə kapitalı 2,245 milyon manatdan 2,34 milyon manata yüksələcək.
2020-ci ildən fəaliyyət göstərən “Legion Financial” lizinq xidmətləri göstərir.
Maliyyə
-
Azərbaycanda bu ilin əvvəlindən elektrik enerjisi, təbii qaz və istiliyin bahalaşması illik inflyasiyaya 0,51 faiz fəndi artırıcı təsir edə bilər.
-
Azərbaycan, Mərkəzi Bankı (AMB) 2025-ci ildə dünya bazarında neftin 1 barelinin orta qiymətinin 77,3 ABŞ dolları, təbii qazın 1 000 kubmetrinin qiymətinin isə 349 dollar olacağını proqnozlaşdırır.
-
Azərbaycan Mərkəzi Bankı (AMB) 2025-ci ilin yekununda ölkədə iqtisadi artımın 3,3% olacağını, o cümlədən qeyri-neft-qaz sektorunda ümumi daxili məhsul (ÜDM) istehsalının 5,2% artacağını proqnozlaşdırır.
-
Azərbaycan Mərkəzi Bankının (AMB) yenilənmiş proqnozlarına görə, illik inflyasiyanın 2025-ci ildə 5,5%, 2026-cı ildə isə 3,8% ətrafında olacağı gözlənilir.
Rəy yaz