Açiq mənbələrdən foto.
Bakı/30.06.22/Turan: İyulun 2-də Şamaxı rayonu Abgora Restoranında Qida Festivalı və Kənd Təsərrüfati Sərgisi təşkil ediləcək.
Avrop İttfaqının Bakı nümayəndəliyindən Turan-a verilən məlumata görə, festival və sərgi Avropa İttifaqı tərəfindən maliyyələşdirilən "Məsləhət xidmətləri vasitəsilə aqro-turizm, aqro-biznes sahibkarlığın və ərzaq məhsullarının istehsalının təşviqi və yeni dəyər zəncirlərinin yaradılması və inkişafı" layihəsi çərçivəsində baş tutur.
Məlumata görə, Şamaxıda təşkil ediləcək Qida Festivalının əsas məqsədi Dağlıq Şirvan İqtisadi Rayonunda istehsal edilən kənd təsərrüfatı məhsullarının, ənənəvi qida irsinin təqdim edilməsi, yerli və xarici turistlər və digər steykholderlər arasında tanıtdırılmasına nail olmaqdan ibarətdir.
Şamaxı, İsmayıllı, Qobustan və Ağsu rayonlarını təmsil edən kənd təsərrüfatı və ənənəvi qida məhsulları festivalda təqdim olunacaq.
Layihə "Uluçay" Sosial-İqtisadi İnnovasiya Mərkəzi və Bolqarıstanın İqtisadi İnkişaf Mərkəzi ilə birgə tərəfdaşlıq çərçivəsində İqtisadi və Sosial İnkişaf Mərkəzi (CESD) tərəfindən icra olunur.
Bu layihə Avropa İttifaqı tərəfindən maliyyələşdirilən və yerli vətəndaş cəmiyyəti institutlarının icra etdiyi fəaliyyətlərdən biridir. Layihənin əsas məqsədi yerli qida potensialının artırılmasına və yerli aqrar məsləhət xidmətlərinin keyfiyyətinin yüksədilməsinə nail olmaqdır.
Tədbirə 100-dən artıq iştirakçının qatılacağı gözlənilir. Avropa İttifaqının Bakı Nümayəndəliyinin, İttifaqa üzv dövlətlərin səfirliklərinin, Azərbaycan hökumətinin və Milli Məclisin, beynəlxalq təşkilatların və yerli steykholderlərin nümayəndələri tədbirdə iştirak edəcəklər.
Avropa İttifaqı tərəfindən maliyyələşdirilən "Məsləhət xidmətləri vasitəsilə aqro-turizm, aqro-biznes sahibkarlığın və ərzaq məhsullarının istehsalının təşviqi və yeni dəyər zəncirlərinin yaradılması və inkişafı" layihəsinin məqsədi yerli fermerlərin geniş aqrar məsləhətlərə və sahibkarlığa yönəlik məsləhət xidmətlərinə əlçatanlığının artırılmasına dəstək olmaq və yerli məhsulların bazarının inkişafına və aqro-turizm potensialının artırılmasına yardım etməkdir.
2021-ci il sentyabrın 4-də Şəkidə və 2021-ci il noyabrın 27-də Şamaxıda hər birində 150-dən çox insanın iştirakı ilə bənzər festivallar təşkil edilib. 16D
Mədəniyyət
-
Azərbaycan kinosunun çoxdan gözlənilən anı nəhayət gəlib çatdı. Yerli rejissorlar öz yeni əsərlərini təqdim edərək, animasiya, dram və uşaqlıq xəyalları ilə dolu bir qarışığı böyük ekranlara gətirdilər. Nurlan Həsənlinin Erkən Hisslər, Hacı Səfərovun Tərsinə Kölgələr və Məsud Pənahinin animasiya filmi Nərqız maraqla gözlənilən tamaşaçılar tərəfindən həm alqışla, həm də tənqidlə qarşılandı.
-
Tarixdə baş verən hadisələr sadəcə bir rəqəm, tarixi yaddaş olaraq qalmır. Bu hadisələr mədəni yaddaşda da dərin izlər buraxır. Xüsusən sənətçilər hadisələri öz hiss etdikləri, anladıqları formada əsərlərinə köçürdürlər. 20 Yanvar da mədəni yaddaşa köçmüş hadisələrdən biridir. Müasir dövr yaradıcılığında nisbətən az işlənən mövzu olsa da heç vaxt öz aktuallığını itirmir. Bu tarixi yaddaş necə göstərilməlidir? İncəsənətdə necə öz əksini tapır?
-
Yanvarın 16-da nüfuzlu Gazelli Art House Elnarə Nəsirlinin irimiqyaslı “Meşənin Pıçıltısı – Səsin Sehri” adlı sərgisinin ikinci qapalı təqdimatına yenidən qapılarını açdı. Azərbaycanlı rəssamın bu sərgisi müxtəlif ölkələrin diplomatları, səfirlik nümayəndələri və xüsusi dəvətli qonaqlar tərəfindən böyük maraqla qarşılandı. Tədbir sərginin mədəniyyətlərarası və ekoloji əhəmiyyətini bir daha vurğuladı.
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
Rəy yaz