Bakı/01.08.17/Turan: Azərbaycan Kinematoqrafçılar İttifaqı peşə bayramı günündə illik mükafatlarını təqdim edib. Ittifaqın mətbuat katibliyindən bildiriblər ki, qaliblər seçilərkən milli kinoda gedən proseslər analiz olunub, müsbət tendensiyalar qeyd edilib. Kinorejissor Mirbala Səlimli "Qırmızı bağ" filmində "Parlaq bədii həllinə görə", kinooperator Yuri Varnovski "Sənətə sadiqliyinə görə", sənədli kino rejissoru Nazim Rza "Sənədli kinoya töhfələrinə görə" nominasiyalarında qalib olublar. Ittifaqın sədri Rüstəm İbahimbəyov Kino günü münasibətilə həmkarlarına müraciət edib. Müraciətdə deyilir: "Peşə bayramı günündə hamıya yaradıclıq nailiyyətləri, uğurlar və cansağlığı arzulayıram. Kinematoqrafçılar İttifaqının builki mükafatlarının qalibləri Mirbala Səlimli, Yura Varnovski və Nazim Rzanın uğuruna sevinir və təbrik edirəm.
Şübhə etmirəm ki, o biri həmkarlarımızın da bu il hamımızı sevindirən nailiyyətləri var. Təəssüfləndirici hal odur ki, 2008-ci ildə elan edilmiş kinonun inkişafı üzrə Dövlət Proqramı tam həcmdə yerinə yetirilməyib, bizim İttifaqın təşəbbüsü ilə proqrama salıınmış bir çox təkliflər həyata keçməyib. Ola bilsin ki, Dövlət Proqramının bitməsinə qalmış il yarım vaxt ərzində nələrisə etmək mümkün olsun. Buna görə də ümidvaram ki, heç nəyə baxmayaraq , Azərbaycanda ən çətin şəraitdə belə həm Vətəndə, həm də ondan kənarda uğur qazanacaq filmlər yaradılacaq".
Mədəniyyət
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
Rəy yaz