UNESCO-ya bağlı Dünya İncəsənət Assosiasiyasının (İAA-AİAP) prezidenti,tanınmış Türk rəssamı Bedri Baykama Beynəlxalq Dədə Qorqud Fondunun ordeni təqdim edilib.
Turan agentliyinin məlumatına görə, təqdimat mərasimi İncəsənət Assosiasiyasının İstanbuldakı mərkəzində keçirilib.
Mərasimdə çıxış edən Dədə Qorqud Fondunun Türkiyə nümayəndəsi,İstanbuldakı Yeditepe universiteti diş həkimliyi fakültəsinin müəllimi, professor Rafiq Əziz deyib ki,Fondun idarə heyətinin və Ağsaqqallar Şurasının müzakirəsindən sonra mükafatın Türkiyənin dünya miqyaslı sənətkarı,İAA prezidenti Bedri Baykama verilməsi qərarlaşdırılıb.
"Bu orden daha əvvəl Türkiyə Cümhuriyyətinin qurucusu Mustafa Kemal Atatürkə,Qazaxıstan Respublikasının keçmiş prezidenti Nursultan Nazarbayevə və İstanbulun keçmiş meri,İSTEK elm və təhsil fondunun fəxri sədri Bedrettin Dalana verilib.4-cü ordeni verdiyimiz Bedri Baykam buna tamamilə layiqdir.Onun sənətdəki fəaliyyətindən başqa güclü ictimai-siyasi fəaliyyəti də vardır.Türkiyəyə qarşı yönəldilən "erməni soyqırımı" böhtanlarına qarşı təşkilat yaradaraq mübarizə aparıb.
Bu mükafatın Türk dilli ölkələr arasında mədəni əlaqələrin gücləndirilməsində mühüm rol oynayacağına inanırıq"- deyə professor Rafiq Əziz vurğulayıb.Daha sonra Beynəlxalq Dədə Qorqud Fondunun prezidenti Eldar İsmayılov rəssam Bədri Baykamın ordenini onun yaxasına sancıb.
Türkiyədəki Azərbaycan diaspora təşkilatlarının rəhbəri Samir Xəlilov ordenə layiq görülən Bedri Baykamı təbrik edərək mədəniyyət sahəsində qarşılıqlı əlaqələrin gücləndirilməsi üçün birgə əməkdaşlığın vacibliyindən danışıb.
Mərasimdə çıxış edən İAA-AİAP prezidenti, rəssam Bedri Baykam ordenə layiq görülməkdən qürur duyduğunu bildirib."Qardaş Azərbaycanın məni bu ordenə layiq görməsi həyatımın ən əlamətdar hadisələrindən biridir.Bu mükafat mənim boynuma daha ağır məsuliyyət yükləyir.İndiyə qədər olduğu kimi, bundan sonra da bütün sahələrdə qardaş Azərbaycanla birlikdə addımlar atmağa davam edəcəyik"- deyə sözlərinə davam edən Bedri Baykam geniş tərkibli sənətar heyətiylə Azərbaycana getmək arzusunda olduqlarını vurğulayıb.Təqdimat mərasimində Türkiyənin keçmiş mədəniyyət naziri Ercan Karakaş da iştirak edib.
Türkiyənin tanınmış rəssamı Bedri Baykam 1957-ci ildə siyasətçi Suphi Baykamın ailəsində Ankarada anadan olub.6 yaşında hər iki əliylə şəkil çəkməyə başlayan Bedri Baykam, Parisdəki Sorbonn universitetində iqtisadiyyat sahəsində (1975-1980) təhsil alıb.
O incəsənət sahəsindəki təhsilini 1980-83-cü illər arasında ABŞ-da davam etdirib.İndiyə qədər Türkiyədə və dünyanın müxtəlif ölkələrində 150-dən çox fərdi sərgisi açılan Bedri Baykam "Cumhuriyet" qəzetində köşə yazıları yazır,Fenerbahçe TV kanalında futbol şərhləri verir.
İAA-AİA Türkiyə Milli komitəsinin də sədri olan Bedri Baykam 2015-ci ilin oktyabrında Çexiyanın paytaxtı Praqada keçirilən qurultayda çexiyalı rəqibinə qalib gələrək 4 illiyə Beynəlxalq İncəsənət Assosiasiyasının prezidenti seçilib.
Mədəniyyət
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
Rəy yaz