Bakı/06.12.22/Turan: Dekabrın 10-11-də Bakıda Nizami kinoteatrında Qazaxıstan Kinosu Günləri keçiriləcək.
Birinci gün saat 14.00-da rejissor Ardaşovun “Kenje qız” cizgi filmi nümayiş etdiriləcək. Film ona məhəl qoymayan böyük qardaşlarını heyrətləndirmək üçün səhvən qədim iblisi buraxan kiçik qız haqqındadır və iblis tam gücünü toplayıb yenilməz bir ordunu oyatmadan əvvəl onu ancaq qız dayandıra bilər.
Dekabrın 12-də saat 14.00-da tamaşaçılar rejissor Nurqaliyevin “Alğa” bədii filminə baxa biləcəklər. Film atalarının ölümündən sonra soyğunçuluqla qazanmağa başlayan iki qardaşın hekayəsidir. Onlar istedadlı gəncləri seçmək üçün şəhərdən aula gələn yüngül atletika üzrə məşqçinin diqqətini çəkir. Qardaşları çətin sınaqlar gösləyir. Faciəli bir hadisə onların həyatını dəyişir. Qardaşlardan biri marafonda dünya çempionunu məğlub etməlidir.
Tədbirin təşkilatçıları Qazaxıstanın Azərbaycandakı səfirliyinin dəstəyilə Qazaxıstan Mədəniyyət Nazirliyi, “Qazaxsinema”dır.—0--
Mədəniyyət
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
Rəy yaz