Avqustun 18-də Astanada Qazaxıstan, Azərbaycan, Türkiyə və Qırğızıstanın media sahəsində nazirlərinin görüşünün yekunlarına əsasən beynəlxalq türk xəbərlər telekanalının yaradılması barədə protokol imzalanıb.
24.kz saytı bildirir ki, türk telekanalının açılması ideyasını ilk dəfə Nursultan Nazarbayev türkdilli dövlətlərin Əməkdaşlıq Şurasının IV sammitində irəli sürüb. O zaman Qazaxıstan prezidenti beynəlxalq birliyə türk dünyasını təqdim edəcək xəbərlər resursunun açılması imkanlarına baxılmasını təklif etmişdi.
İmzalanma mərasimində Qazaxıstanın investisiyalar və inkişaf naziri Aset İsekeçev bildirib ki, rabitə və informasiya komitəsinə tapşırılıb ki, bu məsələ ilə məşğul olsun. Koordinasiya qrupunun bir neçə iclası keçirilib.
Sentyabrda Əməkdaşlıq Şurasına daxil olan dövlət başçıları mənzil-qərargahın yerləşəcəyi məkana dair məsələni həll edəcəklər.
“Mənzil-qərargahın Astanada yerləşməsi ilə bağlı təklif var. Çox güman ki, bütün türkdilli ölkələrdə milli nümayəndəliklər olacaq”, - Azərbaycan prezidentinin köməkçisi Əli Həsənov bildirib.
“Bu, informasiya-analitika, ictimai-siyasi, həmçinin mədəni-sosial kanal olacaq”, - o əlavə edib. O, kanalın nə zaman işə başlayacağı barədə sualı cavablandırmağa çətinlik çəkib. Belə ki, maliyyə məsələsi hələ “açıq qalır”.02D-
Mədəniyyət
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
Rəy yaz